Вы тут

На «Беларусь 3» — святочны марафон да юбiлею Беларускага радыё


У дзень 95-годдзя Беларускага радыё канал «Беларусь 3» прапануе гледачам далучыцца да святочнага рэспублiканскага тэлерадыёмарафону i паназiраць за ходам акцыi, а таксама паслухаць музычныя канцэрты творчых калектываў Белтэлерадыёкампанii з самай вялiкай студыi гуказапiсу ў краiне.

Пакуль усе каналы Беларускага радыё 15 лiстапада будуць тэматычна адзначаць у эфiры знакавую для айчыннай медыяпрасторы дату, сацыякультурны тэлеканал медыяхолдынга прапануе гледачам паназiраць за работай самiх радыйшчыкаў. Так, у 11.50, 14.55 i 18.10 выйдуць спецыяльныя выпускi праграмы «Навiны культуры», у якiх адбудуцца сустрэчы са знаёмымi «галасамi» сучаснага беларускага радыёэфiру, а адразу пасля «навiн» — тры прамыя вiдэаўключэннi са святочнага марафону ў студыi Дома радыё.

Спецыяльна да 95-годдзя Беларускага радыё «Беларусь 3» сумесна з радыёстанцыямi Белтэлерадыёкампанii прадставiць серыю канцэртных праграм музычных калектываў медыяхолдынга з любiмымi аўтарскiмi i народнымi песнямi, а таксама творамi айчынных кампазiтараў у Вялiкай студыi на Чырвонай, 4. Так, у 12.30 гледачоў чакае сустрэча з Акадэмiчным хорам Белтэлерадыёкампанii, у 15.35 — выступленне ансамбля народнай музыкi «Бяседа», а ў 18.50 — канцэрт сiмфанiчнага аркестра медыяхолдынга.

Адзначым, што канцэртныя праграмы прапануе сваiм слухачам i радыёканал «Культура», а бадзёрыя спевы ансамбля «Бяседа» прагучаць таксама на хвалях Першага нацыянальнага.

Алена ДРАПКО

Выбар рэдакцыі

Калейдаскоп

Усходні гараскоп на наступны тыдзень

Усходні гараскоп на наступны тыдзень

БЛІЗНЯТЫ. Гэты тыдзень вельмі ўдалы ў плане кар'еры і любові. Могуць паступіць прыемныя дзелавыя прапановы. Калі вы сканцэнтраваныя і ўважлівыя, то забяспечаны поспех, прычым такі, на які нават не разлічвалі. Цяпер час выканання жадання, вырашэння праблемы, якая хвалюе даўно. Да канца тыдня прыйдзе адчуванне радасці, спакою і гармоніі.