Вы тут

Жывёлы з пяццю вачыма


Кітайскія навукоўцы знайшлі незвычайных істот.


Даследчыкі знайшлі выкапнёвыя астанкі раней невядомай навуцы групы марскіх жывёл, якая валодала пяццю вачыма. Пра гэта паведамілі ў Нанкінскім інстытуце геалогіі і палеанталогіі Акадэміі навук Кітая, перадае «Жэньмінь жыбаа» анлайн».

Адкрыццё зрабілі кітайскія палеантолагі ў Чэнцзянскай біёце ў правінцыі Юньнань на паўднёва-захадзе Кітая — мястэчку, якое лічыцца «скарбніцай» для даследавання скамянелых астанкаў жывёл ранняга кембрыйскага перыяду, які пачаўся 570 млн гадоў назад і доўжыўся каля 60 млн гадоў. Аб гэтым адзначаецца ў артыкуле, апублікаваным у прэстыжным часопісе Nature.

Знаходка, якую навукоўцы назвалі Kylinxia, жыла ў моры 520 млн гадоў таму. Па сцвярджэнні экспертаў, яна спалучае ў сабе марфалагічныя характарыстыкі многіх жывёл. Цела Kylinxia, як і ў прадстаўнікоў сучасных ракападобных, сэгмэнтаванае і пакрыта жорсткім карапаксам. На галаве — пяць вачэй, дзякуючы чаму яна нагадвае апабінію (Opabinia) — прадстаўніка іншага роду марскіх жывёл кембрыйскага перыяду. Пры гэтым Kylinxia, як яе іншы «сучаснік» анамалакарыс (Anomalocaris), валодае кароткімі і тоўстымі пярэднімі канечнасцямі.

Kylinxia, на думку даследчыкаў, належыць да груп жывёл, якія з’яўляліся пераходнымі на шляху да прымітыўных членістаногіх.

Яна з’яўляецца звяном эвалюцыі жывёл, і дазволіць даследчыкам глыбей вывучыць эвалюцыйны працэс у далёкія часы, заўважыў старшы навуковы супрацоўнік інстытута Чжу Мааянь.

Прэв’ю: scitechdaily.com

Выбар рэдакцыі

Грамадства

У Беларускім дзяржаўным музеі гісторыі Вялікай Айчыннай вайны адкрылася выстаўка «Бітва за Маскву. Бессмяротнасць подзвігу».

У Беларускім дзяржаўным музеі гісторыі Вялікай Айчыннай вайны адкрылася выстаўка «Бітва за Маскву. Бессмяротнасць подзвігу».

Як адзначыла старшыня Савета Рэспублікі Нацыянальнага сходу Наталля Качанава, Вялікая Айчынная вайна і ўсё, што звязана з ёй, — святое.

Палітыка

Крызіс на мяжы. Уся аператыўная інфармацыя на пятніцу (абнаўляецца)

Крызіс на мяжы. Уся аператыўная інфармацыя на пятніцу (абнаўляецца)

Аператыўная інфармацыя з беларуска-польскай мяжы.

Грамадства

У вясковай школе арганізавалі музей у гонар загінуўшых байцоў Вялікай Айчынай вайны

У вясковай школе арганізавалі музей у гонар загінуўшых байцоў Вялікай Айчынай вайны

Байцы 174-га стралковага палка загінулі пры вызваленні вёскі Шылін.