Пракуратура Гродзенскай вобласці накіравала ў абласны суд крымінальную справу ў дачыненні да аднаго з былых кіраўнікоў ААТ «Скідзельскі цукровы камбінат», якому інкрымінавана атрыманне хабару па ч.1 і ч.2 арт.430 Крымінальнага кодэкса, гаворыцца на сайце Генеральнай пракуратуры краіны.
Згодна з матэрыяламі справы, мужчына ў перыяд з 2015 па ліпень 2020 гады атрымаў ад індывідуальных прадпрымальнікаў незаконныя грашовыя ўзнагароды за спрыяльнае рашэнне пытанняў, якія ўваходзілі ў яго кампетэнцыю. Як правіла, хабарадавальнікі перадавалі абвінавачанаму грошы за садзейнічанне ў заключэнні выгадных дагавораў перавозак цукровых буракоў і забеспячэнне пастаяннага супрацоўніцтва з акцыянерным грамадствам.
Усяго ўстаноўлена 16 фактаў атрымання хабару на суму звыш Br16 тыс. Каля Br14 тыс. даходу, атрыманага злачынным шляхам, падазраваны кампенсаваў у добраахвотным парадку ў ходзе следства.
Пасля вывучэння матэрыялаў справы пракурор прыйшоў да высновы аб абгрунтаванасці абвінавачання, наяўнасці дастатковых і дапушчальных доказаў, поўным і аб’ектыўным даследаванні абставінаў злачынстваў. Пагадзіўся з прававой кваліфікацыяй зробленага.
Абраную раней меру стрымання ў выглядзе заключэння пад варту пракурор пакінуў без зменаў.
Прэв’ю: ru.depositphotos.com
«Дзесяцігоддзі школьнае харчаванне нашых дзяцей будавалася на аснове зборніка рэцэптур».
Што за таемнымі дзвярыма?