Вы тут

У Таліне ўводзіцца лакдаўн


Урад вырашыў распаўсюдзіць на Талін і Хар’юмаа жорсткія абмежаванні, якія да гэтага часу дзейнічалі толькі ў Іда-Віру, паведамляе Err.ee


Пра гэта паведаміў журналістам прэм’ер-міністр Юры Ратас, адзначыўшы, што прыняццю рашэння папярэднічала нарада ў кабінеце міністраў, якая працягвалася 16 гадзін.

«З улікам паскоранага распаўсюджвання каранавіруса ў Таліне і Хар’юмаа, запоўненасці мясцовых бальніц і распаўсюджвання віруса сярод персаналу бальніц, мы павінны прыняць цяжкія рашэнні, каб абараніць ад перагрузкі нашу сістэму аховы здароўя і забяспечыць даступнасць медыцынскай дапамогі. Абапіраючыся на меркаванні навуковага савета і Дэпартамента здароўя, урад вырашыў увесці ў Харьюмаа і Таліне больш жорсткія абмежаванні», - сказаў Ратас.

Дадатковыя абмежаванні ў Хар’юмаа і Таліне ўводзяцца на тры тыдні з 28 снежня да 17 студзеня.

У гэты перыяд забараняецца аказанне забаўляльных паслуг ва ўсіх установах, у тым ліку ў казіно, боўлінг і більярдных, клубах для дарослых і гасцініцах, якія змогуць прапаноўваць толькі паслугу пражывання.

Прадпрыемствам грамадскага харчавання дазволена прадаваць еду толькі на вынас і з дастаўкай на дом.

Зачыняюцца ўсе спартыўныя аб’екты, уключаючы спартыўныя клубы, сауны, спа, басейны і водныя цэнтры. Абмежаванні не распаўсюджваюцца на заняткі прафесійным спортам і людзей з асаблівымі патрэбамі.

Забараняюцца публічныя сходы і мерапрыемствы, уключаючы канферэнцыі, тэатральныя паказы, канцэрты і кінасеансы ў закрытых памяшканнях. Зачыняюцца музеі і выставы. У мерапрыемствах і сходах пад адкрытым небам могуць прымаць удзел не больш за 10 чалавек.

У закрытых памяшканнях забараняецца праца з моладдзю, дзейнасць і адукацыю па інтарэсах, курсы навучання, а таксама заняткі спортам і трэніроўкі. Пералічаныя віды дзейнасці дазволеныя на свежым паветры для груп у складзе да дзесяці чалавек.

Прэв’ю: Unsplash

Выбар рэдакцыі

Грамадства

Даведаліся, колькі каштуе букет на 8 Сакавіка

Даведаліся, колькі каштуе букет на 8 Сакавіка

Ці прынята ў нас дарыць «мільён алых руж» каханай?

Грамадства

Чым прыцягвае чытачоў часопіс «Алеся»?

Чым прыцягвае чытачоў часопіс «Алеся»?

Размова з галоўным рэдактарам Ларысай Ракоўскай.

Грамадства

Анатомія мезальянсу. Чаму няроўныя шлюбы былі, ёсць, будуць?

Анатомія мезальянсу. Чаму няроўныя шлюбы былі, ёсць, будуць?

Любоўных гісторый, якія прыцягваюць павышаную ўвагу грамадства, нямала.

У свеце

Каменданцкія часы. Чым падаграецца глабальная пратэсная хваля?

Каменданцкія часы. Чым падаграецца глабальная пратэсная хваля?

Людзі стаміліся ад лакдаўну і беспрацоўя і выходзяць на пратэсты, а надзея перамагчы пандэмію ўсеагульнай вакцынацыяй, падобна, растае на вачах: прэпараты па-ранейшаму недаступныя ўсім ахвотным і ў найбліжэйшы час сітуацыя наўрад ці зменіцца.