Вы тут

Сяргей Рахманаў: Неабходна будаваць адэкватную нацыянальную інавацыйную сістэму па найлепшых сусветных стандартах


Сяргей РАХМАНАЎ, член Савета старэйшын пры Прэзідыуме Савета Рэспублікі:


souzveche.ru

— Работа Савета старэйшын будзе накіравана на тое, каб мы зрабілі свой унёсак у выпрацоўку прапаноў, якія будуць агучаны на Усебеларускім народным сходзе, і прадставіць рэальны, а не дэкларатыўны вобраз будучага. Таму што, на жаль, у многіх краінах ствараюцца розныя стратэгіі, а потым высвятляецца, што існуюць яны толькі на паперы — нам такога не трэба. Нам трэба выдаць прадукт, які быў бы рэальны, практычна рэалізоўваецца і каб людзі гэта разумелі і бачылі.

Што датычыцца тэм для абмеркавання, яны будуць рознабаковыя. Ніхто не адмяняў эканамічныя законы: нам трэба перш за ўсё рухаць нашу эканоміку, каб яна была ўстойлівая і развівалася, нягледзячы на крызісныя праявы. У гэтым плане, канешне, патрэбна ўзмацніць аналітыку: нам неабходны галіновыя стратэгіі, каб мы разумелі, на чым акцэнтаваць увагу. Не толькі на традыцыйныя галіны, якія ў нас ёсць, але і на новыя сферы, без якіх мы не зможам прыстойна выглядаць на сусветных рынках. Канкурэнцыя расце і ў сярэднетэхналагічнай сферы яна наогул вар’яцкая — з традыцыйнымі падыходамі тут не выжыць. Таму нам трэба рабіць прадукты з больш высокай перапрацоўкай, як кажуць, з больш высокай дабаўленай вартасцю, большым складнікам інтэлекту. Да гэтага трэба абавязкова прыцягваць навуку, і не так, каб асобныя арганізацыі функцыянавалі самі па сабе — неабходна будаваць адэкватную нацыянальную інавацыйную сістэму па найлепшых сусветных стандартах. Гэта значыць, сюды павінны быць прыцягнутыя адукацыя, навука, вытворчасць, прыватны бізнес, фінансы, сістэма кіравання — тады, я мяркую, мы справімся з усімі задачамі.

І безумоўна, ніхто не адмяняў праблем у інфармацыйным полі, таму што з-за крызісных з’яў зараз шмат розных пунктаў гледжання і далёка не ўсім (у тым ліку за межамі Беларусі) падабаецца тое, што ў нас адбываецца. Беларусь для многіх нашых апанентаў — як костка ў горле. Бо не ўсім падабаецца, што нядрэнна выходзім з крызіснай сітуацыі, у якой апынуўся ўвесь свет, не падабаецца, як мы рэалізоўваем ідэі сацыяльнай дзяржавы і гэтак далей. Таму мы павінны адстойваць свой суверэнітэт і ў інфармацыйнай прасторы. Для гэтага неабходна займаць актыўную пазіцыю, у тым ліку ў сацсетках — там, дзе вялікі кантынгент моладзі, і кантэнт павінен быць адэкватны, з пераканаўчымі прыкладамі.

І самае лепшае, што можна прапанаваць — гэта маштабіраванне гісторый поспеху. У Беларусі ёсць шмат прыкладаў, якія паказальны не толькі для постсавецкай прасторы, але і для ўсяго свету. Проста ўсё, што ў нас ёсць найлепшага, трэба сабраць, выбудаваць сістэму і з ёй рухацца ў будучае.

Выбар рэдакцыі

Грамадства

Як кадравыя агенцтвы падманваюць даверлівых грамадзян

Як кадравыя агенцтвы падманваюць даверлівых грамадзян

Калі ў кадравым агенцтве вам прапануюць заплаціць грошы і гарантуюць стапрацэнтнае працаўладкаванне, смела разварочвайцеся і сыходзьце: перад вамі, напэўна, ашуканцы.

Грамадства

Прыродныя антыбіётыкі: Лекі, якія дапамагаюць перамагчы інфекцыю і ўмацоўваюць ахоўныя ўласцівасці арганізма

Прыродныя антыбіётыкі: Лекі, якія дапамагаюць перамагчы інфекцыю і ўмацоўваюць ахоўныя ўласцівасці арганізма

У адрозненне ад «хімічных антыбіётыкаў», прыродныя лекі не толькі дапамагаюць перамагчы інфекцыю, але і ўмацоўваюць ахоўныя ўласцівасці арганізма.

Калейдаскоп

Усходні гараскоп на наступны тыдзень

Усходні гараскоп на наступны тыдзень

СКАРПІЁН. На гэтым тыдні традыцыйны падыход да вырашэння праблем не заўсёды будзе ўдалы.

Грамадства

Як дзейнічалі партызаны ва Усакінскім лесе на Клічаўшчыне

Як дзейнічалі партызаны ва Усакінскім лесе на Клічаўшчыне

Піша сын аднаго з партызан Генадзь Сахрай.