Вы тут

Фінал конкурсу «Каралева студэнцтва» пройдзе сёння анлайн


Фінал XXIX Міжнароднага міжвузаўскага конкурсу грацыі, таленту і артыстычнага майстэрства «Каралева студэнцтва» пройдзе сёння анлайн у сацыяльных медыя. 


У сувязі са складаным эпідэміялагічным становішчам заснавальнікі і арганізатары аднаго з самых любімых у студэнцкім асяроддзі міжнародных праектаў прынялі рашэнне правесці фінал конкурсу «Каралева студэнцтва — 2020» у анлайн-фармаце, паведамілі ў Цэнтральным камітэце БРСМ. З усімі яго ўдзельніцамі можна будзе пазнаёміцца сёння з 15.00 у аднайменнай групе ў сацыяльнай сетцы «УКантакце». Нашу краіну ў конкурсе прадставяць чатыры беларускія грацыі. Дзяўчаты з’яўляюцца пераможцамі і фіналістамі нацыянальнага конкурсу «Каралева Вясна» 2018-2019 гадоў, а таксама студэнткамі БарДУ, МДУ імя Аркадзя Куляшова, БДУ, БДПУ імя Максіма Танка. 

Для падвядзення вынікаў міжнароднае журы сустрэнецца сёння з 16.00 да 18.00 дыстанцыйна з дапамогай платформы Zoom. «Праграма міжнароднага фіналу складаецца з трох конкурсаў: «Фотавобраз», «Відэавізітка», «Творчы». Дзяўчаты прадставяць фотавобразы ў нацыянальных касцюмах, у маладзёжным луку і ў вобразе нявест. У відэапрэзентацыі яны раскажуць пра сябе, свае дасягненні ў розных сферах студэнцкага жыцця. Трэці конкурс раскрые творчыя таленты і здольнасці фіналістак, якія выступяць у адным з відаў мастацтва: вакал, танец, мастацкае слова, арыгінальны жанр, ігра на музычных інструментах. 

Па выніках праграмы журы вызначыць трох лепшых. Урачыстая цырымонія ўзнагароджання пераможцаў конкурсу адбудзецца 25 студзеня ў Маскве. Уладальніцы тытулаў «Каралева студэнцтва», «Першая віцэ-Каралева студэнцтва», «Другая віцэ-Каралева студэнцтва» сустрэнуцца ў Таццянін дзень (Дзень студэнта) у студыі штаб-кватэры Расійскага саюза моладзі, дзе адбудзецца цырымонія ўзнагароджання. Традыцыйна дзяўчаты стануць уладальнікамі каралеўскіх карон. 

Дарэчы, на гэтым сам конкурс не завершыцца. З 19 па 23 студзеня «УКантакце» адбудзецца глядацкае інтэрнэт-галасаванне за тытул «Каралева глядацкіх сімпатый — 2020», дзе кожны ахвотны зможа аддаць свой голас за ўпадабаную канкурсантку. Заснавальнікамі і арганізатарамі конкурсу выступаюць Беларускі рэспубліканскі саюз моладзі і Расійскі саюз моладзі. Усе яго фіналісткі могуць быць рэкамендаваны для ўдзелу ў міжнародных фестывалях, прэзентацыях, выставах, канцэртных і тэлевізійных праграмах, у правядзенні дабрачынных і рэкламных акцый, здымках фільмаў.

Сяргей РАСОЛЬКА

Выбар рэдакцыі

Эканоміка

Магілёўскі прадпрымальнік — пра вытворчасць на перыферыі і адказнасць перад сабой і людзьмі

Магілёўскі прадпрымальнік — пра вытворчасць на перыферыі і адказнасць перад сабой і людзьмі

Сідаравічы — невялікі аграгарадок паміж Магілёвам і Быхавам. Менавіта тут знаходзіцца вядомая ў Магілёўскім раёне фермерская гаспадарка Сяргея Куцанава.

Грамадства

Ігар Карпенка: Адукацыя — гарант сацыяльнай стабільнасці ў грамадстве

Ігар Карпенка: Адукацыя — гарант сацыяльнай стабільнасці ў грамадстве

Аб прыярытэтах у адукацыі, вопыце работы ва ўмовах пандэміі каранавіруса і ідэалагічным складніку ў выхаванні мы задалі пытанні міністру адукацыі нашай краіны Ігару Карпенку.

Жыллё

Пажылыя людзі не могуць пераехаць з аварыйнага жылля у нармальнае. Чаму?

Пажылыя людзі не могуць пераехаць з аварыйнага жылля у нармальнае. Чаму?

Дом №76 па вул. Валгаградскай у Мінску быў прызнаны аварыйным яшчэ ў нулявых.

Грамадства

Cтаршыня Мінскага гарадскога Савета дэпутатаў Андрэй Бугроў пра тое, як будзе развівацца сталіца

Cтаршыня Мінскага гарадскога Савета дэпутатаў Андрэй Бугроў пра тое, як будзе развівацца сталіца

На VІ Усебеларускім народным сходзе тэме развіцця Мінска на наступныя пяць гадоў было аддадзена шмат увагі.