Патроны і марыхуану выявілі ў машынах, якія ехалі на аўтавозах праз мяжу. Пра гэта паведамляе Дзяржпагранкамітэт.
У пункт пропуску Прывалка заехаў грузавік, на прычэпе-лафеце якога знаходзіліся восем легкавых аўто. Пагранічнікі ў багажніку джыпа выявілі 55 патронаў рознай маркіроўкі і дзве ўпакоўкі, як мяркуецца, з марыхуанай.
- Аналагічную знаходку ў гэтым жа пункце пропуску памежнікі выявілі 31 снежня мінулага года. Пад сядзеннем і ў багажным аддзяленні аднаго з легкавых аўтамабіляў, што перамяшчаліся праз мяжу зноў жа на лафеце, было выяўлена 60 патронаў рознай маркіроўкі і калібра, - адзначылі ў ведамстве.
Там дадалі, што ўсе аўто былі набыты на аўкцыёнах у краінах Еўропы, ЗША ці Канады. Яны перавозіліся праз тэрыторыю нашай краіны транзітам ва Украіну.
Па абодвух фактах прызначаны шэраг экспертыз, па выніках якіх будзе дадзена прававая ацэнка.
«Дзесяцігоддзі школьнае харчаванне нашых дзяцей будавалася на аснове зборніка рэцэптур».
Што за таемнымі дзвярыма?