Вы тут

Перспектыва будаваць жыллё без чаргі ў малых гарадах стане для мінчан альтэрнатывай гарадам-спадарожнікам


Перспектыва будаваць жыллё без чаргі ў малых гарадах і вёсках стане для мінчан альтэрнатывай гарадам-спадарожнікам і стымулам для развіцця сельскіх тэрыторый.​ Аб гэтым паведаміў старшыня камітэта па архітэктуры і будаўніцтве Мінаблвыканкама Аляксей Быкаў на прэс-канферэнцыі «Будаўніцтва аб'ектаў сацыяльнага прызначэння ў Мінску і Мінскай вобласці: рэалізаваныя планы і перспектыўныя кірункі».


c01.comments.bot

Каментуючы ініцыятыву, сутнасць якой у тым, каб людзям, якія маюць патрэбу ў паляпшэнні жыллёвых умоў, без чаргі прапаноўваць жыллё ў малых гарадах і вёсках (прынцып зваротнай міграцыі насельніцтва ў малыя і сярэднія гарады з абласных цэнтраў і сталіцы), Аляксей Быкаў адзначыў, што пакуль толькі распрацаваны праект нарматыўнага прававога акта аб змяненні заканадаўства ў частцы дзяржаўнай падтрымкі такіх чаргавікоў. Сам механізм па ўжыванні льготнага будаўніцтва пры такой міграцыі яшчэ выпрацоўваецца.

«Сем'і без кватэр і проста чаргавікоў будуць інфармаваць аб наяўнасці кватэр у такіх населеных пунктах. Калі яны захочуць, змогуць пераехаць. У нас ёсць населеныя пункты, што дазваляюць прымаць у жылыя дамы, якія будуюцца, чаргавікоў са сталіцы. Гэта можа быць выкарыстана як альтэрнатыўны для гарадоў-спадарожнікаў варыянт. А таксама стане яшчэ адным стымулам для развіцця сельскіх тэрыторый. Але зразумела, што, акрамя жылля, людзям патрэбна работа. Наколькі новы кірунак будзе запатрабаваны, пакажа час. У гэтым кірунку і будзем рухацца», — сказаў Аляксей Быкаў.

Як заявіў напярэдадні міністр архітэктуры і будаўніцтва Руслан Пархамовіч на прэс-прэзентацыі асноўных кірункаў Праграмы сацыяльна-эканамічнага развіцця Беларусі на 2021—2025 гады, прычына дадзенай ініцыятывы банальная: чым большы горад, тым большая чарга тых, хто мае адпаведную патрэбу, у той час як у невялікім населеным пункце шанцы пабудавацца за найбліжэйшыя пару гадоў значна вышэйшыя. Пры гэтым права на атрыманне дзяржпадтрымкі чаргавікоў будзе захавана ў абавязковым парадку.

Аляксей Быкаў адзначыў, што сёлета ў сталічным рэгіёне будзе пабудавана некалькі агульнаадукацыйных школ і тры дзіцячыя садкі, плавальны басейн і паліклініка.

Пералічыўшы ўведзеныя ў 2020 годзе аб'екты, Аляксей Быкаў дадаў, што сацыяльная накіраванасць захаваецца ў інвестыцыйнай праграме і на гэты год. Па аб'ёме сродкаў — каля 120 млн рублёў — яна засталася амаль на тым жа ўзроўні, што і годам раней (трохі скарочана).

Вядуцца будаўнічыя работы з уводам у эксплуатацыю ў 2021 годзе двух дзіцячых садкоў — у Калодзішчах-2 (палігон) Мінскага раёна, у Дружным (Пухавіцкі раён). Плануецца ўвод сярэдніх школ у Смалявічах і Стоўбцах, а дзіцячы садок — пачатковую школу ўвядуць у эксплуатацыю ў Маладзечне.

Нарэшце будзе здадзены доўгачаканы для жыхароў Жодзіна аб'ект — дзіцячая паліклініка. Другая чарга — дзіцячы шматпрофільны корпус у Барысаве. У бягучым годзе пачнецца будаўніцтва паліклінічнага корпуса Мінскай цэнтральнай раённай бальніцы магутнасцю 800 наведванняў у змену — у вёсцы Бараўляны (Мінскі раён). На стадыі завяршэння праектныя работы па ўзвядзенні паліклінік у Смалявічах і вёсцы Азярцо Мінскага раёна.

У канцы мінулага года пачата будаўніцтва ФАК з плавальным басейнам у Старых Дарогах, плануецца завяршыць першую чаргу гэтага аб'екта да канца 2021-га.

«У цэлым у рамках распараджэння кіраўніка дзяржавы ў найбліжэйшыя гады плануецца ўзвесці 11 аб'ектаў: чатыры дзіцячыя садкі, тры школы, тры фізкультурныя аб'екты і адну паліклініку. Рэалізацыю мы пачалі ў 2020 годзе, асноўныя аб'екты павінны завяршыць да канца бягучага года, усе работы — у 2022-м», — падсумаваў Аляксей Быкаў.

Сяргей КУРКАЧ

Загаловак у газеце: З мегаполіса ў малы гарадок

Выбар рэдакцыі

Спорт

Галоўны ўрач беларускай алімпійскай зборнай: Мы забяспечым вырашэнне любой праблемы

Галоўны ўрач беларускай алімпійскай зборнай: Мы забяспечым вырашэнне любой праблемы

Алімпійскія гульні ў Токіа стануць выпрабаваннем не толькі для спартсменаў, але і для медыцынскага персаналу. 

Культура

Маршал Сакалоўскі: хто казаў, што ўсе штабныя — баязліўцы?!

Маршал Сакалоўскі: хто казаў, што ўсе штабныя — баязліўцы?!

...4 кастрычніка 1941 года рэзідэнт савецкай разведкі ў Японіі Рыхард Зорге адправіў у Маскву сваю апошнюю радыёграму.

Палітыка

Малатком па міне: куды рушыць Літва?

Малатком па міне: куды рушыць Літва?

Нелегалы адмовіліся выконваць патрабаванні супрацоўнікаў Службы грамадскай бяспекі.

Эканоміка

Электрадамы становяцца ўсё больш папулярныя. А тэндэнцыя індывідуальнага будаўніцтва — сучасныя хутары

Электрадамы становяцца ўсё больш папулярныя. А тэндэнцыя індывідуальнага будаўніцтва — сучасныя хутары

Сёлета плануецца ўвесці ў эксплуатацыю 4 млн квадратных метраў агульнай плошчы жылля.