Вы тут

Сёння спаўняецца 100 гадоў з дня нараджэння вядомага брэсцкага мастака Эдуарда Куфко


Эдуард Станіслававіч Куфко, адзін з самых вядомых і цікавых майстраў жывапісу на Брэстчыне. На яго лёс прыйшлося шмат выпрабаванняў. Удзельнік Вялікай Айчыннай вайны, вязень фашысцкага канцлагера і ГУЛАГа — многія героі яго палотнаў родам адтуль.


Фота з адкрытых крыніц.

Нарадзіўся мастак 4 сакавіка 1921 года ў Цвярской вобласці. Скончыў лесатэхнічны тэхнікум і мастацкае вучылішча ў Яраслаўлі. З першых дзён вайны — на фронце, трапіў у палон, а затым у канцэнтрацыйны лагер. З 1946 па 1953 гады знаходзіўся ў ГУЛАГу.

У Брэст мастак прыехаў у 1955 годзе, дакументы аб рэабілітацыі атрымаў у 1957-м, пасля гэтага стаў удзельнічаць у мастацкіх выставах. Працаваў у станкавым жывапісе ў жанрах партрэта, пейзажа, нацюрморта. У 90-я гады правёў шэраг паспяховых персанальных выстаў у Беларусі і ЗША. Работы мастака знаходзяцца ў буйных музеях і карцінных галерэях, Брэста, Мінска, у прыватных калекцыях за мяжой.

У экспазіцыі «Музей вайны — тэрыторыя міру» Брэсцкай крэпасці прадстаўлена яго работа «Пабег». Шырокую вядомасць атрымалі палотны антыфашысцкага цыклу «Пракляцце фашызму», «Асвенцым», «Не забудзем», «Вызваленне» і многія іншыя. Эдуард Куфко напісаў партрэты многіх вядомых людзей — сваіх сучаснікаў. Памёр мастак 18 кастрычніка 1998 года.

5 сакавіка ў Брэсце адбудуцца памятныя мерапрыемствы з нагоды 100-гадовага юбілею мастака.

Святлана ЯСКЕВІЧ

Выбар рэдакцыі

Рэгіёны

Сок з дастаўкай і з ледзяшамі: на Брэстчыне пачаўся сезон нарыхтоўкі бярозавіку

Сок з дастаўкай і з ледзяшамі: на Брэстчыне пачаўся сезон нарыхтоўкі бярозавіку

Як мы бярозавік куплялі на гандлёвай пляцоўцы лясгаса і ў лясніцтве

Культура

Анатоль Ярмоленка: Нас натхняе беларуская паэтычная класіка

Анатоль Ярмоленка: Нас натхняе беларуская паэтычная класіка

Творчая вечарына народнага артыста Беларусі прайшла ў адной з мінскіх гімназій.