Беларусы зноў змогуць адпачываць у Балгарыі з 1 ліпеня

З 1 ліпеня тураператары гатовыя прапанаваць пуцёўкі ў Балгарыю, паведамляе «Мінск-Навіны».

Тураператар гатовы прапанаваць палётную праграму для сваіх кліентаў на 10, 11 начэй і 21 ноч. Маршрут прапануецца наступны: вылет з Мінска ў Стамбул самалётам «Белавія». Затым аўтобусны трансфер з аэрапорта Стамбул да гатэля ў Балгарыі. Арыентыровачны час у шляху на аўтобусе — 4-5 гадзін.

Грамадзяне Беларусі, Расіі, Украіны і ЕС будуць дапускацца ў Балгарыю пры наяўнасці адной з даведак з зацверджанага пераліку:

— адмоўны ПЛР-тэст, зроблены не раней чым за 72 гадзіны да прыбыцця ў краіну, для ўсіх турыстаў ад 5 гадоў.

— пашпарт аб завершанай вакцынацыі супраць COVID-19 (уезд не раней чым праз 14 дзён пасля ўвядзення другой дозы), у тым ліку вакцынай Sputnik V.

Прэв’ю — pixabay.com