Рэгіянальны этап штогадовага рэспубліканскага сямейнага сельскагаспадарчага праекта «Уладар сяла-2021» пройдзе ў Нясвіжскім раёне 23 чэрвеня, піша БелТА са спасылкай на Мінскі абласны камітэт БРСМ.
За званне самай актыўнай і працавітай будуць змагацца 14 маладых сельскіх сем’яў з усёй Мінскай вобласці. Сярод удзельнікаў праекта-медыкі, трактарысты, вадзіцелі, ляснічыя, паштальёны і педагогі.
Падчас рэгіянальнага этапу праекта сем’ям трэба будзе крэатыўна прадставіць сваю гаспадарлівасць і гасціннасць у конкурсе візітных картак, рубцы і складаванні дроў. У спаборніцтве «Гаспадар і гаспадыня» шлюбнай пары трэба будзе памяняцца абавязкамі і пераадолець сельскую спартыўную эстафету на лепшы час, а таксама кожная сям’я-удзельніца пройдзе віктарыну ў конкурсе «інтэлектуалы сяла».
Сем’і-пераможцы рэгіянальнага этапу сямейнага сельскагаспадарчага конкурсу «Уладар сяла-2021» атрымаюць права прадстаўляць Мінскую вобласць у фінале праекта ў аграгарадку Александрыя на рэспубліканскім свяце «Купалле», які пройдзе 10 ліпеня.
Сумесныя праекты ядзерных тэхналогій.
