Вы тут

Прышчэпку ад каранавіруса зрабілі больш за 26 тыс. берасцейцаў


У Брэсце прышчэпку ад каранавіруснай інфекцыі зрабілі больш за 26 тыс. Чалавек. Такая інфармацыя апублікаваная ў Telegram-канале старшыні гарвыканкама Аляксандра Рагачука, паведамляе БелТА.


Фота: БелТА

«Адзначаем пэўную самазаспакоенасць берасцейцаў у пытаннях выканання мер эпідэмічнай бяспекі. Зараз у горадзе ўжо няма тэндэнцыі памяншэння колькасці хворых COVID-19. Больш за тое эпідэмічная сітуацыя ў суседніх краінах, а таксама прагнозы спецыялістаў Міністэрства аховы здароўя Беларусі сведчаць пра тое, што праблема барацьбы з каранавірусам ў бліжэйшы час будзе стаяць даволі востра. Эфектыўным спосабам застаецца імунізацыя», — адзначыў Аляксандр Рагачук.

У Брэсце налічваецца 16 кропак вакцынацыі, працуе 28 выязных брыгад. Па дадзеных на 24 чэрвеня, у горадзе прышчэплены 26 342 чалавек. «Адзначаем добрую тэндэнцыю сярод медработнікаў, ужо вакцынаваны 75% персаналу. Менавіта гэтыя людзі лепш за іншых разумеюць небяспеку каранавіруснай інфекцыі. Сваім прыкладам медыкі паказваюць неабходнасць і важнасць імунізацыі для ўсіх», — напісаў кіраўнік горада.

Каб зрабіць прышчэпку ад каранавіруса, трэба запісацца ў паліклініцы ў свайго ўчастковага тэрапеўта або патэлефанаваць у кол-цэнтр. Інфармацыю пра нумары тэлефонаў можна знайсці на сайтах медустаноў.

Выбар рэдакцыі

Грамадства

Водар лаванды вабіць на Веткаўшчыну

Водар лаванды вабіць на Веткаўшчыну

Як выглядае «беларускі Праванс», дакладна ведаюць жыхары глыбінкі Гомельскай вобласці.

Эканоміка

«Прадам утульную кватэру, а куплю яшчэ лепшую». А пра падаткі вы не забыліся?

«Прадам утульную кватэру, а куплю яшчэ лепшую». А пра падаткі вы не забыліся?

Адна мая добрая знаёмая вырашыла палепшыць свае жыллёвыя ўмовы — прадаць сваю двухпакаёвую кватэру і купіць трохпакаёвую.

Калейдаскоп

Усходні гараскоп на наступны тыдзень

Усходні гараскоп на наступны тыдзень

БЛІЗНЯТЫ. Калі ёсць цікавыя ідэі, то менавіта цяпер яны будуць запатрабаваныя і нарэшце ажыццёвяцца. Тыдзень прынясе знаёмствы з новымі людзьмі, спатканні, вандроўкі і шмат яркіх уражанняў. Асабістае жыццё рэзка зменіцца, прычым менавіта так, як вы марылі. Вы больш не будзеце самотныя, сітуацыя вырашыцца на вашу карысць.

Грамадства

Ці варта засцерагацца ад вяртання анамальнай спякоты? Дзмітрый Рабаў расказаў пра надвор’е на астатнюю частку лета

Ці варта засцерагацца ад вяртання анамальнай спякоты? Дзмітрый Рабаў расказаў пра надвор’е на астатнюю частку лета

«Верхавіна лета» прайшла, і ўжо мала хто памятае, што першая дэкада чэрвеня была халаднаватай і з замаразкамі.