Вы тут

Дзе Мёд, там і свята!


Сёлета, на першы Спас па-праваслаўным календары, а гэты дзень у народзе называюць «Макавеем» альбо «Мядовым Спасам», мне давялося быць сярод удзельнікаў богаслужэння ў адзіным у Беларусі казацкім храме.


Храм гэты (хоць будынак афіцыйна і называюць капліцай) узведзены ў садаводчым таварыстве «Крап» у Смалявіцкім раёне і належыць грамадскаму аб’яднанню «Мінская гарадская казацкая акруга». Як і належыць кожнаму храму. Капліца названа ў гонар аднаго са святых альбо праведнікаў — Прападобнамучаніка Вадзіма Пярсіцкага. Дзесяць гадоў таму, калі закладвалі падмурак, першы беларускі мітрапаліт Філарэт вызначыў імя святога патрона казацкай святыні.

— Капліцу будавалі талакой, сваімі рукамі казакі ўзводзілі сцены, крылі дах, вешалі званы на званіцу, масцілі дарогу і прыступкі, — падзяліўся прыемнымі ўспамінамі казачы атаман Генадзь Жумянок. — Мядовы Спас склікаў нашу суполку, лічы, казацкі прыход, каб у царкоўнай атмасферы адзначыць першы юбілей капліцы і дваццаціпяцігоддзе ўтварэння Мінскай казацкай акругі.

На святочнае богаслужэнне прыйшлі і іншыя дачнікі. Службай правіў протаіерэй Андрэй Еўдакімаў — настаяцель храма архангела Міхаіла ў горадзе Жодзіна, кіраўнік Барысаўскага епархіяльнага аддзялення па сувязях з казацтвам. Святар акрапіў мёд, які сабраў на сваёй пасецы і раздаваў усім прысутным казак-пчаляр Валерый Жураўскі. Атаман уручаў памятныя юбілейныя медалі актыўным казакам, сярод якіх быў Вацлаў Селіцкі — арганізатар і куратар будоўлі капліцы, цяперашні яе захавальнік, а таксама казачка Ірына Захаранка.

Свята прайшло пад ігру новенькіх званоў умелага званара — харунжага Віктара Церахава.

Анатоль КЛЯШЧУК

Фота аўтара

Выбар рэдакцыі

Культура

Чым сёлета будзе адметны фестываль песні і паэзіі ў Маладзечне?

Чым сёлета будзе адметны фестываль песні і паэзіі ў Маладзечне?

Арганізатары і ўдзельнікі свята запэўніваюць — знайсці сабе адпачынак па душы зможа кожны.

Экалогія

У Беларусі пабудуюць 30 рэгіянальных смеццеперапрацоўчых заводаў

У Беларусі пабудуюць 30 рэгіянальных смеццеперапрацоўчых заводаў

Агульная плошча звалак у Беларусі займае каля 4 тысяч гектараў. 

Грамадства

Ірына Даўгала: Сям’я для беларусаў застаецца найвышэйшай каштоўнасцю

Ірына Даўгала: Сям’я для беларусаў застаецца найвышэйшай каштоўнасцю

«Сям’я закладвае ў чалавеку мараль, здольнасць спраўляцца з выпрабаваннямі, патэнцыял для развіцця, яна навучае любові, самаахвярнасці, культуры».