Вы тут

Сенатары і дэпутаты ўхвалілі законапраект аб змяненні Канстытуцыі Беларусі


Сенатары на пасяджэнні шостай сесіі Савета Рэспублікі Нацыянальнага сходу сёмага склікання адобрылі законапраект «Аб змяненні Канстытуцыі Рэспублікі Беларусь», перадае БелТА.


Фота: БелТА

«Ініцыятыва аб унясенні змяненняў была выказана ў звароце дэпутацкага корпуса да кіраўніка дзяржавы аб неабходнасці ўнясення змяненняў у дзеючую рэдакцыю Канстытуцыі аб увядзенні адзінага дня галасавання. Гэта ініцыятыва з’явілася ў выніку правядзення дыялогавых пляцовак, зваротаў у грамадскія прыёмныя грамадзян, пісьмовых зваротаў», — сказаў старшыня Пастаяннай камісіі Савета Рэспублікі па заканадаўстве і дзяржаўным будаўніцтве Сяргей Сівец.

Паводле яго слоў, увядзенне адзінага дня галасавання зручна для выбаршчыкаў і выгадна для дзяржавы з фінансавага пункту гледжання. «Паколькі любая электаральная кампанія затратная па сваёй сутнасці, — адзначыў сенатар. — Прэзідэнт падтрымаў ініцыятыву дэпутацкага корпуса, фармалізацыя гэтай ініцыятывы адбылася ў рамках вясенняй сесіі. 25 чэрвеня быў прыняты праект закона аб унясенні змяненняў у Канстытуцыю, у адпаведнасці з якімі ўводзіўся адзіны дзень галасавання і адпаведна прадаўжаліся паўнамоцтвы дэпутатаў мясцовых Саветаў дэпутатаў да правядзення выбараў у Нацыянальны сход восьмага склікання. Інакш кажучы, гэта канец 2023 года».

Сяргей Сівец падкрэсліў, згодна з патрабаваннямі дзеючай нормы арт. 139 Канстытуцыі неабходны двухразовы разгляд праектаў змяненняў і дапаўненняў у Канстытуцыю з прамежкам не менш як 3 месяцы паміж разглядамі. Гэта дало магчымасць парламентарыям яшчэ раз дасканала разгледзець прапанаваныя навацыі і абмеркаваць іх у час сустрэч з грамадзянамі. Сенатар у час сустрэч у працоўных калектывах акцэнтаваў увагу на гэтай навацыі. «І я не знайшоў ніводнага голасу супраць з боку грамадзян, ніводнага пярэчання, — сказаў ён. — Гэты інстытут успрыняты грамадствам і пойдзе на карысць развіццю грамадства і дзяржавы».

Выбар рэдакцыі

Грамадства

У зоне рызыкі. Як пажылым людзям засцерагчыся ад СOVІD-19

У зоне рызыкі. Як пажылым людзям засцерагчыся ад СOVІD-19

Найлепшым спосабам прафілактыкі з'яўляецца прышчэпка ад COVІD-19.

Культура

Жэмчуг і пясок. Пяць расчараванняў Максіма Багдановіча

Жэмчуг і пясок. Пяць расчараванняў Максіма Багдановіча

існуе тэорыя, што толькі той, каму выпала перажыць моцныя ўзрушэнні, можа стаць сапраўдным паэтам.

Грамадства

Вакцынацыя і рэвакцынацыя: калі і каму прышчапляцца ад каранавіруса паўторна

Вакцынацыя і рэвакцынацыя: калі і каму прышчапляцца ад каранавіруса паўторна

Якую вакцыну выбраць для паўторнай прышчэпкі ад каранавіруса?