У Расіі з прыходам больш агрэсіўнага «Дэльта»-штаму каранавіруса прырост захворвання COVID-19 у дзяцей склаў 10-15%, аднак цяжкіх выпадкаў няшмат. Пра гэта заявіў дырэктар НМДЦ здароўя дзяцей Міністэрства аховы здароўя Расіі прафесар Андрэй Фісенка, перадаюць «Мінск-Навіны».
Паводле слоў спецыяліста, за лета 2020 г. лячэнне ў стацыянары НМДЦ прайшлі 405 дзяцей, 10 пацыентаў былі цяжкімі выпадкамі. На бягучы момант ва ўстанове назіраюць прырост захворвання, аднак большасць юных пацыентаў з COVID-19 лечацца амбулаторна.
— Цяжкіх выпадкаў няшмат, і калі яны ёсць, гэта, як правіла, дзіця з цяжкімі спадарожнымі захворваннямі ў анамнезе, напрыклад, пухліна, гематалагічнае захворванне, перасадка органа. То бок, гэта пацыенты, якія атрымліваюць імунасупрэсіўную тэрапію. У іх COVID-19 працякае цяжка, — адзначыў А. Фісенка.
Таксама прафесар нагадаў, што трэба рабіць дзецям, каб умацаваць імунітэт і абараніцца ад інфекцыі падчас канікул.
— Для дзяцей вельмі важна не збіваць рэжым: гэта і час няспання і сну, і правільнае харчаванне, і арганізацыя вольнага часу, і прагулкі і фізічная актыўнасць на паветры, — сказаў кіраўнік НМДЦ. — На жаль, цяпер многія бацькі лічаць, што дзіця здольнае само сябе заняць, і пад гэтым заняткам звычайна маецца на ўвазе, што дзіця праводзіць шмат гадзін, уткнуўшыся ў гаджэты. Гэта ў корані няправільна.
Прэв’ю: pixabay.com
«Дзесяцігоддзі школьнае харчаванне нашых дзяцей будавалася на аснове зборніка рэцэптур».
Што за таемнымі дзвярыма?