Вы тут

Квіткі на «Лістапад» ужо чакаюць!


Стартаваў продаж білетаў на XXVІІ Мінскі міжнародны кінафестываль «Лістапад», цана на якія пачынаецца ад 4 рублёў і залежыць ад кінатэатра і часу паказу фільма. Кінафорум сёлета пройдзе з 20 да 26 лістапада ў сталіцы і рэгіёнах. У праграме — паказы амаль сотні карцін, і паглядзець іх, напрыклад, у Мінску можна будзе ў пяці кінатэатрах. Білеты прадаюцца ў касах, а таксама на афіцыйным сайце УП «Кінавідэапракат».


Галоўнай конкурснай пляцоўкай для паказу праграмы асноўнага конкурсу стане кінатэатр «Цэнтральны». Тут першыя сеансы пачнуцца 23 лістапада. Гледачы і журы ўбачаць у гэты дзень тры кінастужкі асноўнага конкурсу, сярод якіх «Сем маленькіх супадзенняў» Петэра Готара, «Агонь Айжан Касымбек» (фільм прадставіць здымачная група) і «Рака» Гасана Салаба. А 21 лістапада ў «Цэнтральным» пройдуць паказы карцін пазаконкурснай праграмы і конкурсу дакументальнага кіно.

Апошнія кінафільмы конкурснай праграмы — «Ілжак» Жахонгіра Ахмедава, «Юні» Камілы Андзіні і «Дзень мёртвых» Віктара Рыжакова — будуць паказаны ў «Піянеры» 25 лістапада. Кінатэатр «Піянер» стане пляцоўкай і «Лістападзіка». І ўжо 20 лістапада ў 12.00 фестываль фільмаў для дзіцячай і юнацкай аўдыторыі адкрыецца паказам першага беларускага поўнаметражнага анімацыйнага мюзікла «Зоркі сёмага неба» рэжысёра Алены Туравай. А цырымонія закрыцця «Лістападзіка» з падвядзеннем вынікаў пройдзе 23 лістапада ў 12.00. У «Піянеры» таксама пакажуць і некаторыя кінастужкі з асноўнага конкурсу дакументальнага і гульнявога кіно, а яшчэ шэраг карцін пазаконкурснай праграмы.

Фільмы праграмы маладзёжнага кіно можна ўбачыць у кінатэатры «Беларусь» з 21 да 25 лістапада. У «Доме кіно» 23 лістапада прадставяць пазаконкурсную праграму і некалькі фільмаў з праграмы конкурсу гульнявога кіно.

У кінатэатры «Масква» адбудуцца цырымоніі адкрыцця і закрыцця кінафестывалю, а таксама адзін начны паказ з пазаконкурснай праграмы — фільм «Шалёнае кіно для дарослых» рэжысёра Раду Жудэ — 24 лістапада ў 23.00.

Алена ДРАПКО

Прэв’ю: pixabay.com

Выбар рэдакцыі

Грамадства

Персанальныя даныя: ведаць нельга распаўсюджваць

Персанальныя даныя: ведаць нельга распаўсюджваць

Каму, калі, што, дзе і як можа давяраць пра сябе сучасны чалавек.

Грамадства

Пуд солі. Ружовая, чорная або марская — чым яны адрозніваюцца?

Пуд солі. Ружовая, чорная або марская — чым яны адрозніваюцца?

Раней было прасцей: скончылася ў доме соль — ідзеш у краму і купляеш, і ўсё зразумела.

Эканоміка

Змены ў падатковы кодэкс. Хто заплаціць падатак на кватэру, а хто не?

Змены ў падатковы кодэкс. Хто заплаціць падатак на кватэру, а хто не?

З пачатку года ўступілі ў сілу змены ў Падатковы кодэкс.

Культура

Біблія на беларускай мове: «Галоўнае — абапірацца не на прыдуманыя ўяўленні, а на тысячагадовы вопыт набожных папярэднікаў»

Біблія на беларускай мове: «Галоўнае — абапірацца не на прыдуманыя ўяўленні, а на тысячагадовы вопыт набожных папярэднікаў»

 У 2019 годзе прэміяй «За духоўнае адраджэнне» былі адзначаны перакладчыкі Бібліі на беларускую мову.