Брастаўчанін пры спробе патушыць пажар у кватэры атрымаў апёкі

Брастаўчанін спрабаваў патушыць пажар у кватэры і атрымаў апёкі, паведамілі ў абласным упраўленні МНС.

Паведамленне аб загаранні ў кватэры цаглянай пяціпавярхоўкі ў абласным цэнтры паступіла ратавальнікам 2 снежня ў 22.38.

Сын гаспадыні кватэры спрабаваў самастойна патушыць пажар і атрымаў тэрмічныя апёкі двух ступняў і левай галёнкі II ступені. Пасля агляду брыгадай хуткай меддапамогі шпіталізаваны ў апёкавае аддзяленне абласной бальніцы.

Пажар ліквідаваны да прыбыцця падраздзяленняў МНС. Агнём пашкоджаны пасцельныя прыналежнасці.

Прычына ўзгарання ўстанаўліваецца.

Прэв’ю: pixabay.com