Учора ў Мінску адбыўся мужчынскі забег Brutal Run, які ў мінулыя гады быў вядомы як забег сапраўдных мужчын. Каля 600 бегуноў прысвяцілі яго надыходзячаму Дню абаронцы Айчыны. Удзельнікі забегу пераадолелі дыстанцыю за 3 км ад мінскага Палаца спорту ўздоўж набярэжнай Свіслачы да парку Перамогі. Усе ўдзельнікі, хто завяршыў дыстанцыю, атрымалі памятныя медалі.
Хутчэй за ўсіх дыстанцыю пераадолеў 17-гадовы мінчанін Анатоль Быкавец — крыху больш за дзевяць хвілін.
Арганізатарам забегу выступіла Беларуская федэрацыя лёгкай атлетыкі. Па завяршэнні забегу, у якім удзельнічалі як грамадзянскія аматары бегу так і вайскоўцы ўнутраных войскаў, супрацоўнікі МНС, памежнікі і курсанты акадэміі МУС. Пасля фінішу бегуноў пачаставалі салдацкай кашай і сярод жадаючых прайшоў конкурс на адцісканне, дзе пераможца зрабіў гэта больш за 221 раз.
Дарэчы 8 сакавіка на Камсамольскім возеры чакаецца аналагічны жаночы забег «Beauty run», на які ўжо адкрыта рэгістрацыя жадаючых.
Віктар ДРАЧОЎ
Фота аўтара
Сумесныя праекты ядзерных тэхналогій.