У Лагойскім раёне ў ДТЗ загінула сямейная пара, паведамляе Telegram-канал Следчага камітэта.
Трагедыя адбылася сёння прыкладна ў 16.40 на аўтадарозе М3. Аўтамабіль «Хендай» пад кіраваннем 39-гадовага вадзіцеля ехаў у напрамку Віцебска. У салоне таксама знаходзіліся яго 37-гадовая жонка і 6-гадовая дачка ў аўтакрэсле. Паблізу г. п. Плешчаніцы мужчына не справіўся з кіраваннем, выехаў на сустрэчную паласу і сутыкнуўся з асвятляльнай мачтай.
Ад атрыманых траўмаў мужчына і жанчына памерла на месцы. Дзяўчынка шпіталізаваная, яе жыццю нічога не пагражае.
На месцы здарэння працуе следча-аператыўная група.
Лагойскі РАСК распачаў крымінальную справу па ч. 3 арт. 317 (парушэнне правілаў дарожнага руху, што пацягнула па неасцярожнасці смерць двух чалавек) КК.
Следчыя звяртаюцца да відавочцаў аварыі з просьбай паведаміць наяўную ў іх інфармацыю па тэлефоне 8 (017) 747 82 23.
Прэв’ю: СК
З мастацтвам па жыцці.
Баявое ўзаемадзеянне найвышэйшага ўзроўню.
«Дзесяцігоддзі школьнае харчаванне нашых дзяцей будавалася на аснове зборніка рэцэптур».