Для перавозкі і фасоўкі псіхатропу наркакур’ер выкарыстаў машыну бацькі

Супрацоўнікі наркакантролю сталіцы затрымалі трох нарказбытчыкаў ва ўзросце ад 27 да 29 гадоў.

Мужчыны каля трох тыдняў працавалі «кур’ерамі»: забіралі з тайніка буйную партыю наркотыкаў, пасля чаго фасавалі на закладкі і пакідалі іх у тайніках на тэрыторыі сталіцы. Падазраваныя былі затрыманыя з доказамі злачынства, калі ў Смалявіцкім раёне атрымлівалі аптовую партыю — каля 170 грамаў гашышу. Устаноўлена, што па тавар мужчыны ездзілі на аўтамабілі бацькі аднаго з іх, там жа ў салоне і фасавалі наркотык, паведамляе ГУУС Мінгарвыканкама.

Таксама ў затрыманых канфіскаваны: разавая доза амфетаміну, электронныя вагі, ізастужка, пакеты з ЗІП-замкам.

Следчыя далі прававую ацэнку і распачалі крымінальную справу за незаконнае абарачэнне наркотыкаў.

Сяргей РАСОЛЬКА