Электраралі Minsk ELECTRO-2022 пройдзе 10 верасня на Рэспубліканскім палігоне для выпрабаванняў мабільных машын Аб’яднанага інстытута машынабудавання Нацыянальнай акадэміі навук, паведамляе БелтА са спасылкай на прэс-службу ВА «Беларуснафта».
Удзел у спаборніцтвах прымуць уладальнікі персанальнага электратранспарту. Экіпажам трэба будзе пераадолець 75-кіламетровую дыстанцыю: выканаць заданні на гарадскіх маршрутах, адпрацаваць элементы на палігоне. Лідарам стане той, хто хутчэй і дакладней справіцца з праграмай спаборніцтваў. Вопытныя суддзі са складу Беларускай аўтамабільнай федэрацыі вызначаць пераможцаў. Падаць заяўку на ўдзел можна на сайце www.baf.by.
У праграме электраралі і дрыфт-шоу на электраматацыклах, гонкі на электрасамакатах. Цэнтр контраварыйнай падрыхтоўкі прадаставіць жадаючым магчымасць праверыць навыкі ваджэння ва ўмовах заносу на трэнажорнай сістэме Drift-Car. Выстаўка электратранспарту прадэманструе электрамабілі і іх элементы.
Арганізатарамі электраралі выступаюць Нацыянальная акадэмія навук, Міністэрства транспарту і камунікацый, Міністэрства энергетыкі, кампанія «Беларуснафта», Аб’яднаны інстытут машынабудавання НАН і Беларуская аўтамабільная федэрацыя.
Пачатак электраралі ў 14.00.
Прэв’ю: БелТА
«Дзесяцігоддзі школьнае харчаванне нашых дзяцей будавалася на аснове зборніка рэцэптур».
Што за таемнымі дзвярыма?
