Супрацоўнікі крымінальнага вышуку Мінскага РУУС затрымалі 40-гадовага беспрацоўнага мінчаніна. Мужчына паабяцаў двум індывідуальным прадпрымальнікам прадаць бульбу па цэнах, ніжэйшых за рыначныя.
Як паведамляе падрабязнасці аддзяленне інфармацыі і грамадскіх сувязяў УУС Мінскага аблвыканкама, 47-гадовы жыхар Гродзеншчыны і 54-гадовы жыхар Брэстчыны сустрэліся з мужчынам паблізу вёскі Шчомысліца. Перадалі «прадаўцу» 15 400 і 24 573 рублі адпаведна. Той абяцаў даставіць бульбу пазней, але дамоўленасць так і не выканаў. Не дачакаўшыся агародніны, пацярпелыя звярнуліся ў міліцыю.
За махлярства, здзейсненае ў асабліва буйным памеры, у дачыненні да затрыманага следчымі заведзена крымінальная справа. Санкцыя артыкула прадугледжвае ад трох да дзесяці гадоў з канфіскацыяй маёмасці. Фігурант неаднаразова судзімы, раней ужо прыцягваўся да крымінальнай адказнасці за аналагічныя злачынствы.
Сяргей РАСОЛЬКА
Прэв’ю: pixabay.com
Фіналістка праекта «Акадэмія талентаў» на АНТ — пра творчасць і жыццё.
На гэтым тыдні Цяльцы будуць проста незаменныя ўсюды, дзе іх ведаюць.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.