Міжнародная навукова-практычная анлайн-канферэнцыя «Інавацыйныя біятэхналогіі прыродных і сінтэтычных біялагічна актыўных рэчываў» пройдзе 5 кастрычніка ў Беларускім дзяржаўным універсітэце.
Удзельнікамі навуковага форуму стануць каля 70 вучоных-біёлагаў і выкладчыкаў універсітэтаў з Беларусі, Расіі, Італіі, Іспаніі, Партугаліі, Славеніі і Іарданіі.
Навукоўцы прапануюць апошнія вынікі даследаванняў у галіне медыцыны, харчовай прамысловасці і сельскай гаспадаркі. Таксама эксперты абмяркуюць фундаментальныя і прыкладныя аспекты атрымання і прымянення біялагічна актыўных рэчываў жывёльнага, расліннага і грыбнога паходжання, прымяненне культур мікраарганізмаў і ферментных прэпаратаў у харчовай прамысловасці выкарыстанне матэматычнага мадэлявання і ІТ-тэхналогій у біятэхналогіі; распрацоўку інавацыйных тэхналогій прадуктаў здаровага харчавання з прымяненнем функцыянальных інгрэдыентаў і інш.
Па выніках работы біёлагаў плануецца публікацыя зборніка дакладаў з наступным яго размяшчэннем у Электроннай бібліятэцы БДУ.
Арганізатарам навуковага мерапрыемства выступае біялагічны факультэт Беларускага дзяржаўнага ўніверсітэта.
Надзея НІКАЛАЕВА
Прэв’ю: pixabay.com
«Дзесяцігоддзі школьнае харчаванне нашых дзяцей будавалася на аснове зборніка рэцэптур».
Што за таемнымі дзвярыма?
