10 лістапада адбудзецца круглы стол, прысвечаны 10-годдзю стварэння Дзяржаўнай навуковай установы «Цэнтр даследаванняў беларускай культуры, мовы і літаратуры Нацыянальнай акадэміі навук Беларусі».
За прайшоўшыя дзесяць гадоў супрацоўнікамі Цэнтра выдадзены дзясяткі кніг, якімі можа ганарыцца айчынная гуманітарная навука, у Беларусі дзейнічае шэраг навуковых школ, якія ўзначальваюць вядучыя вучоныя-даследчыкі.
У абмеркаванні фундаментальных пытанняў гісторыі і тэорыі архітэктуры, выяўленчага і дэкаратыўна-прыкладнога мастацтва, тэатра, музыкі, кіно, этнаграфіі і фальклору прымуць удзел вядучыя даследчыкі Беларусі. У рамках круглага стала будзе абмяркоўвацца ўклад супрацоўнікаў Цэнтра даследаванняў беларускай культуры, мовы і літаратуры НАН Беларусі ў захаванне гісторыка-культурнай спадчыны і развіццё сучаснай навукі.
Да круглага стала прымеркаваная выстаўка кніжных выданняў Цэнтра і выстаўка, прысвечаная гісторыі станаўлення Цэнтра.
Надзея НІКАЛАЕВА
Прэв’ю: БелТА
Фіналістка праекта «Акадэмія талентаў» на АНТ — пра творчасць і жыццё.
На гэтым тыдні Цяльцы будуць проста незаменныя ўсюды, дзе іх ведаюць.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
