У Беларусі з 21 лістапада, калі быў першы дзень галалёду, па 6 снежня зарэгістраваныя 5244 пацярпелых ад галалёдных і халадовых траўм. З ліку ўсіх пацярпелых 1226-дзеці, паведамляе БелТА.
Больш за ўсё пацярпелых у Гомельскай вобласці — 1246 пацыентаў. З іх 69 шпіталізаваныя, 1177 атрымалі амбулаторную дапамогу. Галалёдная траўма дыягнаставана ў 1237 пацыентаў, у дзевяці — халадовая.
У Мінскай вобласці да медыкаў звярнуліся 953 пацярпелых. Амбулаторную дапамогу атрымалі 863 чалавека, а 90 пацыентаў шпіталізаваны. Галалёдную траўму атрымалі 939 пацыентаў, 14 — халадовую.
Крыху менш пацярпелі ў Магілёўскай вобласці, дзе зарэгістраваныя 892 пацыента. Шпіталізаваныя 87 чалавек. У 882-галалёдная траўма, у 10 — халадовая.
У Брэсцкай вобласці дапамога медыкаў спатрэбілася 590 пацярпелым. Шпіталізаваныя 92 пацыента, астатнія атрымалі дапамогу амбулаторна. Галалёдная траўма ў 578 пацыентаў, у 12 — халадовая.
У Віцебскай вобласці зарэгістраваныя 718 пацыентаў. Шпіталізаваныя 40, астатнія атрымалі амбулаторную дапамогу. Галалёдная траўма дыягнаставана ў 707 пацыентаў, у 11 — халадовая.
У Гродзенскай вобласці медыцынская дапамога аказвалася 505 пацыентам, з іх 76 шпіталізаваныя. Галалёдная траўма ў 500 чалавек, у пяці — халадовая.
Менш за ўсё пацярпелых у Мінску-340, з якіх 44 шпіталізаваныя. У 331 чалавека дыягнаставана галалёдная траўма, у 9 — халадовая.
У Міністэрстве аховы здароўя адзначылі, што ў зімовы перыяд колькасць зваротаў да медыкаў з-за траўм павялічваецца ў 2-3 разы. Патэнцыйна траўманебяспечныя месцы ў перыяд галалёду — прыступкі пад’ездаў, падземных пераходаў, у тым ліку метрапалітэна, прыпынкі грамадскага транспарту, Горкі, у тым ліку дзіцячыя. Калі траўмы пазбегнуць не ўдалося, рэкамендуецца звярнуцца ў бліжэйшы траўмапункт.
Прэв’ю: БелТА
«Дзесяцігоддзі школьнае харчаванне нашых дзяцей будавалася на аснове зборніка рэцэптур».
Што за таемнымі дзвярыма?