Праца ТАА «Мясакамбінат № 5» у Аршанскім раёне прыпыненая па патрабаванні КДК Віцебскай вобласці, перадае БелТА.
На прадпрыемстве ў вёсцы Міцькаўшчына дапушчаны грубыя парушэнні ветэрынарнага заканадаўства. Адпаведныя факты работнікі КДК вобласці і абласнога ўпраўлення ДФР выявілі пры праверцы.
Аказалася, што сцёкавыя воды прадпрыемства расцякаліся на землях сельскагаспадарчай арганізацыі, прылеглых да тэрыторыі ТАА. Як растлумачылі ў камітэце, на вытворчым аб’екце не падзеленыя сістэмы збору вытворчых і гаспадарча-бытавых сцёкавых вод, яны не далучаныя да агульнагарадской каналізацыі, няма ўласнай сістэмы ачышчальных збудаванняў.
Раней у прадпрыемства выяўляліся і іншыя парушэнні. У іх ліку — неналежнае ўтрыманне і эксплуатацыя тэрыторыі і памяшканняў аб’екта. Таксама не была забяспечана належная санітарная апрацоўка тэхналагічнага абсталявання, інвентара і транспарту. Як высветлілася падчас праверкі, кіраўніцтва ТАА не прыняло належныя меры па ліквідацыі недахопаў. У выніку праца прадпрыемства прыпыненая.
Прэв’ю: БелТА
«Дзесяцігоддзі школьнае харчаванне нашых дзяцей будавалася на аснове зборніка рэцэптур».
Што за таемнымі дзвярыма?