Вы тут

Качанава: работу ЖКГ нельга пускаць на самацёк


Сёння адбылася нарада па пытаннях ЖКГ пад кіраўніцтвам старшыні Савета Рэспублікі Наталлі Качанавай, перадае БелТА.


«Вы ведаеце, што я шмат гадоў аддала рабоце службе жыллёва-камунальнай гаспадаркі. Праводзячы нарады з кіраўнікамі адміністрацый і кіраўніцтвам Мінска, усялякі раз мы абмяркоўваем найбольш важныя і актуальныя пытанні, якія датычацца жыццядзейнасці нашага горада. І я палічыла неабходным запрасіць на аналагічную нараду намеснікаў кіраўнікоў адміністрацый, якія курыруюць работу жыллёва-камунальных службаў горада Мінска. Чаму? Таму што для таго, каб эфектыўна працаваць сёння па гэтых напрамках, у Мінску створаны ўсе ўмовы: сфарміраваны структуры, прадпрыемствы, арганізацыі, якія працуюць абсалютна па ўсіх напрамках. Дарбуды, будаўнічыя арганізацыі, арганізацыі зелянгасаў, праектны інстытут па добраўпарадкаванні горада. Увогуле ўсё ў нас укамплектавана, спецыялісты працуюць. Фінансаванне вызначана. Прычым даволі добрае, каб выконваць тыя задачы, якія стаяць перад службамі жыллёва-камунальнай гаспадаркі па навядзенні парадку ў горадзе, капітальным і бягучым рамонце жыллёвага фонду і яго ўтрыманні, па эстэтызацыі гарадскога асяроддзя, вывазе другасных рэсурсаў і ўсяго астатняга», — сказала Наталля Качанава.

Разам з тым у Мінску вялікая колькасць зваротаў па пытаннях работы сістэмы ЖКГ, канстатавала спікер. «Гэта пацвярджаюць і тыя прыёмы, якія мы праводзім: прыходзіць вялікая колькасць людзей са скаргамі на работу жыллёва-камунальных службаў. Перш за ўсё капітальны рамонт, добраўпарадкаванне дваровых тэрыторый, прылеглых да жылых дамоў, па вывазе другасных рэсурсаў і шмат іншых. Сёння ў 115 — нашу адзіную дыспетчарскую службу — дазваніцца немагчыма. А калі і дазвонішся, то гэтыя заяўкі выконваюцца з зацягваннем тэрмінаў. І людзей, вядома, гэта не задавольвае, — падкрэсліла старшыня Савета Рэспублікі. — На 28 працэнтаў павялічылася колькасць зваротаў у Савет Рэспублікі. У структуры зваротаў з Мінска — каля 30 працэнтаў па пытаннях ЖКГ. Я гэтыя пытанні агучваю пастаянна на нарадах з кіраўнікамі адміністрацый. Але я бачу, што выніку пакуль такога, які хацелася б бачыць, няма».

«Што вам перашкаджае працаваць эфектыўна для выканання пастаўленых задач? Якія ёсць праблемы? Што яшчэ вам трэба зрабіць, каб вырашаць гэтыя пытанні эфектыўна? Нам шмат разоў Прэзідэнт указвае на недахопы ў рабоце ЖКГ па горадзе Мінску. Гэта і ямачны рамонт дарог (вы чулі апошняе даручэнне Прэзідэнта), асвятленне, азеляненне. Я хацела б з вамі пагаварыць як са спецыялістамі. Калі гэта работа на кантролі ў намесніка старшыні, яна выбудавана дакладна і сістэмна — ніякіх праблем не будзе. Але калі яна пушчана на самацёк або эпізадычна вырашаецца па меры ўзнікнення праблем, то абавязкова пытанні будуць узнікаць. Калі ў вас сёння ёсць нейкія праблемы па структуры, дык вы толькі скажыце. Паколькі Прэзідэнт на нарадзе ў Полацку па рабоце жыллёва-камунальнай гаспадаркі дакладны даў карт-бланш. Бярыце, рабіце, як вы палічыце патрэбным на месцах», — дапоўніла Наталля Качанава.

Фота БелТА

Выбар рэдакцыі

Жыллё

Па якіх крытэрыях дамы ўваходзяць у праграму па капрамонце?

Па якіх крытэрыях дамы ўваходзяць у праграму па капрамонце?

Пра ўсе тонкасці правядзення капітальнага рамонту расказалі спецыялісты.

Рэгіёны

Самы працяглы ўрок гістарычнай праўды і сяброўства

Самы працяглы ўрок гістарычнай праўды і сяброўства

Удзельнікі «Цягніка Памяці» папярэдніх гадоў дзеляцца сваімі ўражаннямі ад праекта.

Экалогія

Якія прагнозы на лета робяць метэаролагі?

Якія прагнозы на лета робяць метэаролагі?

Тры месяцы суцэльнай спякоты нам не абяцаюць

Гараскоп

Усходні гараскоп на наступны тыдзень

Усходні гараскоп на наступны тыдзень

У пачатку тыдня да Ракаў могуць падступна падкрасціся трывогі і сумневы.