Вы тут

Тры мінчанкі спрабавалі аплаціць у інтэрнэце паслугі ЖКГ і сталі ахвярамі кібермахляроў


Тры мінчанкі спрабавалі аплаціць у інтэрнэце паслугі ЖКГ і сталі ахвярамі кібермахляроў, перадае БелТА.


У зводках сталічных следчых усё часцей фігуруюць выпадкі, калі пры спробе аплаціць якую-небудзь паслугу анлайн мінчане становяцца ахвярамі кібермахляроў. Да прыкладу, 70-гадовая мінчанка для аплаты камунальных паслуг адкрыла, як ёй здавалася, сайт аднаго з банкаў. Для аўтарызацыі і наступнага пераходу ў асабісты кабінет жанчына ўвяла лагін, дадзеныя пашпарта і код, які прыйшоў на мабільны тэлефон. Пасля выкананых аперацый сайт перастаў загружацца, а пенсіянерка атрымала SMS-паведамленне аб спісанні з яе рахунку больш за Br590. Такім жа чынам 55-гадовая жыхарка Маскоўскага раёна сталіцы пазбавілася больш за Br500, яшчэ адна пацярпелая, 60-гадовая мінчанка, — больш за Br800.

Жанчыны распавялі, што ў браўзеры ўводзілі запыт «Інтэрнэт-банкінг» і пераходзілі па першай прапанаванай спасылцы. Старонкі, якія адкрываліся, былі візуальна ідэнтычныя старонкам афіцыйных сайтаў, таму пацярпелыя без сумневу ўводзілі рэквізіты для ўваходу ў асабісты кабінет карыстальніка. Як высветлілася, гэтыя спасылкі з’яўляліся фішынгавымі.

Узбуджаны крымінальныя справы па ч. 1 арт. 212 (крадзеж шляхам мадыфікацыі камп’ютарнай інфармацыі) Крымінальнага кодэкса. Следчыя сумесна з супрацоўнікамі міліцыі высвятляюць асоб, якія маюць дачыненне да здзяйснення гэтых злачынстваў.

Супрацоўнікі праваахоўных органаў заклікаюць грамадзян быць пільнымі і нагадваюць пра неабходнасць уважліва правяраць адрасны радок сайтаў, на якіх патрабуецца ўнесці свае асабістыя дадзеныя. Акрамя таго, не варта пераходзіць па падазроных спасылках.

Прэв’ю: pixabay.com

Выбар рэдакцыі

Грамадства

Захаваць. Нельга знесці

Захаваць. Нельга знесці

Знакі прыпынку нарэшце расстаўлены.

Калейдаскоп

Усходні гараскоп на наступны тыдзень

Усходні гараскоп на наступны тыдзень

Стральцам на гэтым тыдні не трэба пераацэньваць сваіх магчымасцяў.