Беларусь мае намер пабудаваць свой тэрмінал або порт у Мурманскай вобласці. Пра гэта паведаміў журналістам міністр транспарту і камунікацый Аляксей Аўраменка перад выніковай калегіяй установы, паведамляе БелТА.
«Нядаўна з Мурманскай вобласці вярнулася дэлегацыя Міністэрства сумесна з іншымі зацікаўленымі. Мы вывучаем там пляцоўкі. На дадзены момант Рэспубліцы Беларусь прапанавана тры пляцоўкі для будаўніцтва тэрмінала, але мы таксама разглядаем пытанне будаўніцтва непасрэдна беларускага порта», — сказаў Аляксей Аўраменка.
Паводле яго слоў, цяпер ідзе разгляд пытанняў — дзе лепш тэрыторыя з пункту гледжання інфраструктуры, якія грузы Беларусь зможа там перавальваць. «Далей будзем выпрацоўваць стратэгічнае рашэнне па размяшчэнні і будаўніцтве порта ў Мурманскай вобласці», — адзначыў міністр.
Кіраўнік Мінтранса дадаў, што рашэнне аб мэтазгоднасці будаўніцтва порта ў Мурманскай вобласці будзе прынята ў гэтым годзе.
Таксама Аляксей Аўраменка распавёў, што летась экспартныя грузы з Беларусі праходзілі перавалку ў 20 расійскіх партах. «Для нас стратэгічная задача — мець свой порт, свае тэрміналы, праз якія мы маглі б перавальваць беларускія экспартныя грузы», — падкрэсліў ён.
З мастацтвам па жыцці.
Баявое ўзаемадзеянне найвышэйшага ўзроўню.
«Дзесяцігоддзі школьнае харчаванне нашых дзяцей будавалася на аснове зборніка рэцэптур».