Камандаванню, асабоваму саставу, ветэранам органаў пагранічнай службы Рэспублікі Беларусь
Паважаныя таварышы!
Віншую Вас са святам — Днём пагранічніка.
Сёлета мы адзначаем 105-годдзе з дня ўтварэння пагранічнай службы, што надае асаблівую ўрачыстасць усім святочным мерапрыемствам.
Памежнікі ў нашай краіне ва ўсе часы карысталіся асаблівай павагай. Мы памятаем іх непахісную стойкасць, гераізм і мужнасць у гады Вялікай Айчыннай вайны.
Беражліва захоўваючы слаўныя традыцыі і выяўляючы свае лепшыя якасці, воіны ў зялёных фуражках надзейна затуляюць святыя рубяжы Айчыны і сёння, калі напружанасць паблізу нашых межаў з кожным днём узрастае і патрабуе ад усіх пагранічнікаў высокага прафесіяналізму, падвышанай пільнасці, самаадданасці і жалезнай дысцыпліны.
Перакананы, што вы гэта добра разумееце і зробіце ўсё, каб абараніць недатыкальнасць дзяржаўнай мяжы Рэспублікі Беларусь, у поўнай меры апраўдаўшы любоў і давер беларускага народа.
Асаблівыя словы падзякі ветэранам-пагранічнікам. Ваш практычны вопыт, актыўная жыццёвая пазіцыя заўсёды будуць запатрабаваны ў справе падрыхтоўкі і выхавання маладога пакалення.
Жадаю вам і вашым сем’ям моцнага здароўя, дабрабыту і далейшых поспехаў на карысць роднай Беларусі.
Аляксандр ЛУКАШЭНКА
28 мая 2023 г
Прэв’ю: БелТА
«Дзесяцігоддзі школьнае харчаванне нашых дзяцей будавалася на аснове зборніка рэцэптур».
Што за таемнымі дзвярыма?
