Каля 50 арганізацый Нацыянальнай акадэміі навук Беларусі прымуць удзел у Міжнароднай спецыялізаванай выставе «БЕЛАГРА-2023». Усяго вучоныя і спецыялісты Акадэміі навук прэзентуюць звыш 200 інавацыйных распрацовак і тэхналогій у галіне сельскагаспадарчай вытворчасці розных напрамкаў.
Экспазіцыя РУП «НПЦ НАН Беларусі па механізацыі сельскай гаспадаркі» будзе прадстаўлена новымі машынамі, абсталяваннем і прыборамі для тэхнічнага забеспячэння інавацыйных тэхналогій аграпрамысловага комплексу. Новыя распрацоўкі прызначаны для механізацыі тэхналагічных працэсаў у раслінаводстве і жывёлагадоўлі. Так, напрыклад, ДП «Эксперыментальны завод» РУП «НПЦ НАН Беларусі па механізацыі сельскай гаспадаркі» пакажа буртаўкладачны комплекс для цукровых буракоў. Гэта арыгінальная лінія, якая складаецца з цэлага комплексу машын для прыёму і сартавання цукровых буракоў.
Дзяржаўнае прадпрыемства «Цэнтр сістэм ідэнтыфікацыі» НАН Беларусі прадэманструе ў рамках выстаўкі тэхналогіі і сістэмы аўтаматычнай ідэнтыфікацыі, каталагізацыі і нагляду за прадуктамі ў ланцугах паставак з выкарыстаннем штрыхавых кодаў, RFID і блокчэйн тэхналогій, якія забяспечваюць уніфікаванае выкарыстанне лічбавых пашпартоў тавараў, электронных суправаджальных дакументаў, у тым ліку пры экспарце беларускіх тавараў.
РУП «Інстытут глебазнаўства і аграхіміі» прадэманструе вадкія ўгнаенні, прыгатаваныя на аснове хелатаў металаэлементаў цынку, медзі і бору ў аргана-мінеральнай форме з дабаўленнем рэгулятараў росту — гідрагуміна, гідрагумата або іншых гумінавых рэчываў, якія прызначаны для перадпасяўной інкрустацыі і для некаранёвага падкорму сельскагаспадарчых культур. Яны павялічваюць іх ураджайнасць і якасць прадукцыі.
РУП «Навукова-практычны цэнтр НАН Беларусі па земляробстве» прадэманструе ў рамках выстаўкі насенне новых сартоў асноўных сельскагаспадарчых культур, створаных вучонымі — аграрыямі на базе цэнтра, з высокім патэнцыялам прадукцыйнасці і ўраджайнасці.
Дзяржаўнае прадпрыемства «Цэнтр святлодыёдных і оптаэлектронных тэхналогій НАН Беларусі» прадставіць святлодыёднае электраасвятленне для агародніцтва закрытага грунту.
Навукоўцы НАН Беларусі прадэманструюць таксама на «БЕЛАГРА-2023» прадукты харчавання для дзяцей на садавінагароднінай, мясной і малочнай асновах, тэхналогіі перапрацоўкі малака-сыравіны чырвоных парод жывёлы на малочныя прадукты, а таксама новыя сарты бульбы і іншых сельскагаспадарчых раслін, ветэрынарныя прэпараты, рэгулятары росту раслін і многае іншае.
Міжнародная спецыялізаваная выстава «Белагра-2023» пройдзе ў Кітайска-Беларускім індустрыяльным парку «Вялікі камень» з 6 па 10 чэрвеня.
Надзея НІКАЛАЕВА
Прэв’ю: Мінск-Навіны
Бяспека рэальная, віртуальная, у навальніцу і на адлегласці.
Яшчэ нядаўна поле сланечніку здавалася нам дзіўнай з'явай.
«Эфект шафёра» лічыцца адной з распаўсюджаных ментальных пастак.
Хто здолее змяніць гісторыю ці змяніцца пад яе ўплывам?
