У новым сезоне ў Антарктыду адправяцца 13 чалавек пад кіраўніцтвам вопытнага палярніка, удзельніка ўсіх пятнаццаці папярэдніх экспедыцый Аляксея Гайдашова. У саставе экспедыцыі — навуковыя супрацоўнікі НАН Беларусі (Рэспубліканскага цэнтра палярных даследаванняў, НПЦ НАН Беларусі па біярэсурсах, Інстытута прыродакарыстання, Інстытута фізікі), Беларускага дзяржаўнага ўніверсітэта, Брэсцкай абласной клінічнай бальніцы і іншых арганізацый краіны. Сем спецыялістаў ужо маюць досвед працы ў Антарктыдзе і шэць чалавек — пачаткоўцы. Важны момант — навуковыя супрацоўнікі складаюць палову саставу экспедыцыі.
Як адзначыў, звяртаючыся да палярнікаў, Старшыня Прэзідыума НАН Беларусі Уладзімір Гусакоў, у навуковым плане экспедыцыя выконвае шырокі спектр даследаванняў. «У сезон 2023 — 2024 гадоў 16-й Беларускай антарктычнай экспедыцыі трэба будзе амаль шэсць месяцаў знаходзіцца на Лядовым кантыненце, прадоўжыць абсталяванне і ўладкаванне Беларускай антарктычнай станцыі ў раёне гары „Вячэрняя“, правесці дзясяткі навуковых даследаванняў і эксперыментаў, выканаць тысячы навуковых вымярэнняў прыродных параметраў у рамках падпраграмы „Развіццё дзейнасці Беларускай антарктычнай станцыі“ Дзяржаўнай праграмы „Навукова-інавацыйная дзейнасць Нацыянальнай акадэміі навук Беларусі на 2021 — 2025 гады“, — падкрэсліў Уладзімір Гусакоў. — Падчас работы ў 16-й Беларускай антарктычнай экспедыцыі вам трэба будзе развіць і дапоўніць атрыманыя раней вынікі і выканаць работы па новых напрамках у рамках навукова-тэхнічных заданняў па мерапрыемствах праграмы. Сярод новых напрамкаў навуковай дзейнасці — работы па ўводу ў эксплуатацыю сейсмічнай станцыі ў раёне размяшчэння Беларускай антарктычнай станцыі і работы па забеспячэнню палявым матэрыялам (мхі, лішайнікі і інш.) для вывучэння фітахімічнага і фармакалагічнага патэнцыялу прадстаўнікоў флоры Антарктыкі з прымяненнем омікс-тэхналогій і інш.».
Начальнік 16—й Беларускай антарктычнай экспедыцыі Аляксей Гайдашоў падкрэсліў, што кожны год экспедыцыя папаўняецца новымі прыборамі, апаратамі і комплексамі. «Мы забяспечаны ўсім на самым высокім узроўні для правядзення выніковай навуковай работы», — адзначыў ён.
Авангардная каманда 16-й Беларускай Антарктычнай экспедыцыі накіруецца на Лядовы кантынент у пачатку лістапада. Вяртанне ў Мінск 16-й Беларускай антарктычнай экспедыцыі плануецца ў трэцяй дэкадзе мая 2024 года.
У каманду 16-й Беларускай антарктычнай экспедыцыі ўвайшлі: Аляксей Гайдашоў — начальнік экспедыцыі; Уладзімір Несцяровіч — начальнік сезоннай палявой базы «Гара Вячэрняя»; Аляксей Барысавец — вядучы спецыяліст, навуковы супрацоўнік—азонаметрыст; Ягор Корзун — вядучы спецыяліст, навуковы супрацоўнік—біёлаг; Мікалай Зінькевіч — галоўны спецыяліст па сувязі; Віталь Хілько — вядучы спецыяліст, аўтамеханік; Павел Конанаў — вядучы спецыяліст, электраманцёр; Уладзімір Чарнюк — вядучы спецыяліст, навуковы супрацоўнік-эколаг; Андрэй Мурашка — вядучы спецыяліст, навуковы супрацоўнік— глебазнавец, геалагічныя даследаванні; Аляксандр Калевіч — вядучы спецыяліст, навуковы супрацоўнік—фізік; Аляксандр Бурдак — вядучы спецыяліст, майстар-механік, слесар, мантажна-зварачныя работы; Леанід Нікіцюк — галоўны спецыяліст, урач-хірург; Сяргей Люты — вядучы спецыяліст, загадчык вытворчасцю харчавання.
Надзея НІКАЛАЕВА
Фота НАН Беларусі
З мастацтвам па жыцці.
Баявое ўзаемадзеянне найвышэйшага ўзроўню.
«Дзесяцігоддзі школьнае харчаванне нашых дзяцей будавалася на аснове зборніка рэцэптур».
