Міністр сельскай гаспадаркі і харчавання Сяргей Барташ сёння падчас рабочай паездкі ў Камянецкі раён пазначыў прыярытэты на перспектыву ў раслінаводстве, перадае БелТА.
Міністр звярнуў увагу на вынік работы аграрыяў Камянецкага раёна, якім удалося павялічыць вал збожжа ў параўнанні з мінулым годам. Добрага выніку ўдалося дасягнуць дзякуючы захаванню тэхналогій. «Захаванне тэхналогій — гэта гарантыя атрымання добрага выніку незалежна ад умоў надвор’я. На дадзены момант у Камянецкім раёне ёсць недахоп вільгаці, гэта відаць па раслінах кукурузы, цукровых буракоў. Тым не менш яны змаглі забяспечыць прыбаўку ўраджаю пры тых жа плошчах збожжавых. Тэхналогіі — асноўнае, у тым ліку своечасовае правядзенне ўсіх відаў работ», — падкрэсліў Сяргей Барташ.
У Беларусі засталося ўбраць прыкладна трэцюю частку плошчаў азімых і яравых збожжавых культур. Пры спрыяльным надвор’і жніво аграрыі могуць завяршыць за 8-10 дзён. Затым пачнецца ўборка грэчкі і проса.
«Уборку завершым. Цяпер самае галоўнае — закласці пад наступны год падмурак, на якім будзе вырабляцца прадукцыя. Па-першае, пасеяць своечасова азімы рапс, што забяспечыць годны ўраджай. Азімы рапс не столькі залежыць ад умоў надвор’я, колькі ад тэхналогій і тэрмінаў яго сяўбы, правядзення доглядных работ. Па-другое — своечасовая ўборка кукурузы. Міністэрства сельскай гаспадаркі з навукай працуюць над тэхналогіяй закладкі ў больш раннія тэрміны. Нам патрэбны вынік. Карма — самае галоўнае ў жывёлагадоўлі», — сказаў міністр.
Фіналістка праекта «Акадэмія талентаў» на АНТ — пра творчасць і жыццё.
На гэтым тыдні Цяльцы будуць проста незаменныя ўсюды, дзе іх ведаюць.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
