Выдавецкі дом «Звязда» арганізаваў на 9 верасня сустрэчу з беларускімі пісьменнікамі і выставу-продаж кніг, дзе можна было атрымаць аўтограф улюбёнага пісьменніка, набыць кніжку па нізкай цане і не толькі.
На 956-годзе Мінска было шмат святочных падзей. Але сярод іх вылучалася асобная: мерапрыемства, на якім чуецца беларуская мова, на якім можна было сустрэць беларускіх паэтаў і пісьменнікаў, набыць новую дзіцячую літаратуру — фестываль дзіцячай кнігі «У гасцях у Францыска Скарыны».
У скверы па вуліцы Каліноўскага а 12:00 фестываль пачаўся з выступленняў беларускіх дзеячаў. Чыталі вершы, прэзентавалі новыя кнігі, расказвалі цікавосткі і нават спявалі. За дзве гадзіны прагучалі развагі і думкі наконт сучаснага стану дзіцячай літаратуры. Тамара Пятроўна Бунта выказала наступнае:
«Гэта вельмі важна — не толькі пісаць і выдаваць кнігі. А і несці сваё беларускае слова да юных чытачоў».
Юныя чытачы змаглі падпісаць свае кнігі ў паэта Уладзіміра Мазго і пісьменніка-публіцыста Алены Стэльмах.
Пасля выступленняў усе жадаючыя маглі набыць кнігі па спецыяльных цэнах: 3, 5 і 10 рублёў. Для дзяцей былі арганізаваны невялікія майстар-класы.
Пісьменнікі і паэты пасля агульнага фота пачынаюць размовы на свабодныя тэмы. Удаецца злавіць некалькі прыгожых кадраў. Паступова ўсе разыходзіцца. А ў маіх думках круцяцца словы літаратара Ірыны Карнавухавай:
«Пабачыць столькі дзіцячых пісьменнікаў — гэта фантастыка!»
Міхаіл МУРЗА
Фота аўтара
Фіналістка праекта «Акадэмія талентаў» на АНТ — пра творчасць і жыццё.
На гэтым тыдні Цяльцы будуць проста незаменныя ўсюды, дзе іх ведаюць.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
