Вы тут

У МЖКГ распавялі пра чарговасць пры ўключэнні ацяплення


Намеснік міністра жыллёва-камунальнай гаспадаркі Андрэй Рамашка ў праекце БелТА «Краіна гаворыць» распавёў пра чарговасць пры ўключэнні ацяплення.


Фота: pexels.com

Уключэнне ацяплення ва ўсіх аб’ектах ідзе ў строгай адпаведнасці з патрабаваннямі заканадаўства, адзначыў Андрэй Рамашка. «Мясцовыя выканаўчыя і распарадчыя органы прымаюць рашэнні аб запуску ацяплення, існуе таксама чарговасць запуску. Першая чарга — гэта сацыяльныя аб’екты (установы аховы здароўя і адукацыі), другая чарга — жыллё, трэцяя чарга — вытворчыя будынкі і аб’екты», — распавёў ён.

Ацяпленне ў дзіцячых садках, дашкольных і школьных установах, паліклініках, бальніцах і большасці аб’ектаў сацыяльнага забеспячэння ўключаецца, калі на працягу 5 дзён сярэднясутачная тэмпература заховалася на ўзроўні плюс 10 градусаў і ніжэй. У жылых дамах, інтэрнатах, установах адукацыі, за выключэннем дашкольных і школьных, тэатрах і іншых уключэнне ажыццяўляецца пры сярэднясутачнай тэмпературы ў плюс 8 градусаў і ніжэй на працягу пяці дзён. Астатнія адміністрацыйныя, прамысловыя і іншыя арганізацыі па ўзгадненні з энергазабеспячальнымі арганізацыямі падключаюцца пасля поўнага ўключэння ацяплення ва ўсіх жылых дамах.

Рашэнні аб тэрмінах пачатку ацяпляльнага сезона прымаюцца абласнымі, раённымі і гарадскімі выканаўчымі камітэтамі на падставе дадзеных аб сярэднесутачных тэмпературах па абласцях, а таксама прагнозаў Белгідрамета.

Выбар рэдакцыі

Калейдаскоп

Усходні гараскоп на наступны тыдзень

Усходні гараскоп на наступны тыдзень

Зоркі абяцаюць шмат прыемных момантаў і добрых навін для Блізнятаў.

Памяць

Партызанскі ўнёсак у «Баграціён»

Партызанскі ўнёсак у «Баграціён»

Беларуская наступальная аперацыя пачалася 23 чэрвеня 1944 года.