Беларускія тавары трэба больш актыўна прэзентаваць у гандлёвых сетках на ўнутраным рынку. Пра гэта журналістам заявіў першы намеснік прэм’ер-міністра Мікалай Снапкоў, паведамляе БелТА.
Мікалай Снапкоў правёў у Баранавічах рабочую сустрэчу з прадстаўнікамі вытворцаў і гандлёвых арганізацый па пытанні рэалізацыі задачы па павелічэнні долі продажаў айчынных тавараў у гандлі.
«Трэба яшчэ раз ацаніць сітуацыю па магчымасцях беларускіх вытворцаў, іх здольнасці павялічыць сваю долю перш за ўсё на ўнутраным рынку. Тэма развіцця ўнутранага попыту і стымулявання ўласнага вытворцы з’яўляецца галоўнай. Як і якімі метадамі дасягнуць гэтага, як узаемадзейнічаць з гандлем і стымуляваць пастаўкі на ўнутраны рынак, не зніжаючы экспарту, — гэта задача сённяшняга мерапрыемства», — сказаў Мікалай Снапкоў.
Паводле слоў першага віцэ-прэм’ера, падобныя сустрэчы спрыяюць прыняццю рацыянальных і эфектыўных рашэнняў, якія дазволяць беларускім вытворцам больш актыўна прэзентаваць сябе. «Ніякіх сумненняў, нашы вытворцы канкурэнтаздольныя. Гэта тычыцца і ўпакоўкі, і складу. Ёсць спробы зрабіць карысныя прысмакі, што не так проста. Але нашы кандытары могуць рабіць іх», — падкрэсліў ён.
Мікалай Снапкоў дадаў, што задача ўрада — яшчэ раз асэнсаваць імпульсы і механізмы, якія дазволяць больш актыўна прасоўваць айчынную прадукцыю ў гандлёвых сетках на ўнутраным рынку.
Фіналістка праекта «Акадэмія талентаў» на АНТ — пра творчасць і жыццё.
На гэтым тыдні Цяльцы будуць проста незаменныя ўсюды, дзе іх ведаюць.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.