Вы тут

Галоўчанка прьыў з рабочым візітам у Кыргызстан


Прэм’ер-міністр Беларусі Раман Галоўчанка прыбыў з рабочым візітам у Кыргызстан, перадае БелТА.


Фота: БелТА

У Бішкеку адбудуцца адразу некалькі знакавых мерапрыемстваў. У іх ліку пасяджэнне Савета кіраўнікоў урадаў ШАС. Як паведамлялася, у ліпені гэтага года на саміце ШАС быў падпісаны мемарандум аб абавязацельствах Беларусі ў мэтах атрымання статусу дзяржавы — члена арганізацыі. Як нядаўна заяўляў генеральны сакратар Шанхайскай арганізацыі супрацоўніцтва Чжан Мін, Беларусь можа стаць паўнапраўным членам ШАС у 2024 годзе.

Таксама ў Бішкеку пройдзе пасяджэнне Еўразійскага міжурадавага савета. Паводле інфармацыі прэс-службы ЕЭК, кіраўнікі ўрадаў краін ЕАЭС абмяркуюць функцыянаванне саюза, а таксама асноўныя задачы і ключавыя напрамкі далейшага развіцця інтэграцыйных працэсаў на перыяд да 2030 і 2045 гадоў. Акрамя таго, будуць разгледжаны ход фарміравання агульных рынкаў газу, нафты і нафтапрадуктаў ЕАЭС у 2022 годзе, рэалізацыя асноўных напрамкаў прамысловага супрацоўніцтва ў саюзе.

Яшчэ адной знакавай падзеяй стане пасяджэнне Савета кіраўнікоў урадаў СНД.

Акрамя таго, запланавана сустрэча кіраўнікоў дэлегацый — удзельнікаў пасяджэння Савета кіраўнікоў урадаў ШАС з прэзідэнтам Кыргызстана Садырам Жапаравым.

Таксама Раман Галоўчанка правядзе ў Бішкеку рабочую сустрэчу з прэм’ер-міністрам Узбекістана Абдулой Арыпавым.

Рабочы візіт прадоўжыцца 25-27 кастрычніка. 

Выбар рэдакцыі

Грамадства

Гісторыя ваеннага братэрства

Гісторыя ваеннага братэрства

«Нармандыя», што стала Нёманскай.

Рэлігія

200 гадоў пад заступніцтвам Пятра і Паўла

200 гадоў пад заступніцтвам Пятра і Паўла

Гомельскі кафедральны Свята-Петра-Паўласкі сабор — адзін з самых велічных праваслаўных храмаў Беларусі, адзін з нямногіх помнікаў архітэктуры зрэлага класіцызму, які захаваўся да нашых дзён.