У Беларусі намалочана 9,4 млн тон збожжа з улікам рапсу

У Беларусі намалочана 9,4 млн т збожжа з улікам рапсу, паведамілі ў Міністэрстве сельскай гаспадаркі і харчавання.

У Беларусі ва ўсіх катэгорыях гаспадарак на 10 лістапада намалочана 9401,6 тыс. т збожжа з улікам рапсу.

Кукуруза на зерне ўбрана на 237,1 тыс. га плошчаў, а намалочана 1968,3 тыс. т з ураджайнасцю 83 ц/га. Сабрана зялёнай масы 22 787,6 тыс. т.

Цукровыя буракі ўбраныя на 94,5 тыс. га, а накапана 4572,8 тыс. т з ураджайнасцю 484,1 ц/га.

Гародніна ўбраная на 5,58 тыс. га плошчаў. Усяго іх сабрана 174,1 тыс. т з ураджайнасцю 311,9 ц/га.

Нарыхтавана травяных кармоў 9229,7 тыс. т, што складае 95,5% да плана.

Прэв’ю: БелТА