Служба ва Узброеных Сілах для кожнага маладога чалавека — гэта не толькі абавязак выканаць свой канстытуцыйны доўг, але і магчымасць навучыцца абараняць сваіх родных, блізкіх, сваю Радзіму, стаць сапраўдным абаронцам Айчыны. Пра гэта сказаў намеснік міністра абароны Беларусі генерал-маёр Андрэй Жук падчас урачыстай цырымоніі прыняцця ваеннай прысягі ў 72-м гвардзейскім аб’яднаным навучальным цэнтры, паведамляе БелТА са спасылкай на Мінабароны.
«Сёння тысячы маладых людзей зрабілі важны крок у дарослае жыццё — прысягнулі на вернасць Радзіме, Рэспубліцы Беларусь. З гэтай хвіліны грамадзяне давяраюць вам самае дарагое — будучыню і сучаснасць нашай краіны, — сказаў Андрэй Жук. — Наступны год адзначаны ў нашай рэспубліцы важным юбілеем — 80-годдзем вызвалення Радзімы ад нямецка-фашысцкіх захопнікаў. Менавіта вам трэба будзе прыняць эстафету пакалення пераможцаў, абараняць у сучасных умовах суверэнітэт і незалежнасць нашай Радзімы. І гэта галоўная каштоўнасць для беларускага народа, якую мы павінны абараняць».
Паводле яго слоў, служба ва Узброеных Сілах для кожнага маладога чалавека — гэта не толькі абавязак выканаць свой канстытуцыйны доўг, але і магчымасць навучыцца абараняць сваіх родных, блізкіх, сваю Радзіму, стаць сапраўдным абаронцам Айчыны. «Наперадзе ў вас напружаныя вайсковыя будні, нялёгкая баявая вучоба, удзел у вучэннях, засваенне складанай сучаснай тэхнікі. Побач з вамі заўсёды будуць вашы калегі, вопытныя камандзіры, сябры, якія заўсёды дапамогуць вам, падкажуць і навучаць нялёгкаму ваеннаму рамяству», — адзначыў ён.
«Дарагія бацькі, я выказваю вам удзячнасць за цярпенне і тыя намаганні, якія вы прыклалі да выхавання сваіх сыноў, вырасціўшы іх сапраўднымі патрыётамі, якія разумеюць значнасць службы ва Узброеных Сілах — забеспячэнне бяспекі Радзімы. Давайце будзем разам падтрымліваць нашых сыноў, дапамагаць ім пераадольваць цярністы шлях узмужнення, — падкрэсліў Андрэй Жук. — Віншую асабісты склад, усіх прысутных з прыняццем ваеннай прысягі. Здароўя і поспехаў вам у святой справе служэння Радзіме».
Прэв’ю: БелТА
З мастацтвам па жыцці.
Баявое ўзаемадзеянне найвышэйшага ўзроўню.
«Дзесяцігоддзі школьнае харчаванне нашых дзяцей будавалася на аснове зборніка рэцэптур».