Спатрэбіцца: слабасалёны селядзец — 1 шт.; яйка — 1 шт.; лімонны сок — 1 ч. л.; алей — 5 ст. л.; цукар — 1 ч. л.; гарчыца руская — 1 ст. л.; гарчыца французская (у зернях) — 1 ч. л.; крыху кропу.
Селядзец пачысціце і разбярыце на філе, нарэжце на парцыённыя кавалачкі.
Дадайце алей, змяшайце. Пакіньце на паўгадзіны, каб алей набраў смак селядца.
Тым часам у асобную міску ўбіце яйка. Дадайце цукар, гарчыцу звычайную і французскую, лімонны сок і дробна нарэзаны кроп. Узбіце ў аднастайную масу.
Потым у гэты соус дадайце алей з-пад селядца. Змяшайце яшчэ раз. У слоік змясціце кавалачкі селядца, заліце соусам-марынадам.
Адпраўце ў халадзільнік на 2 гадзіны (мінімум). Рыбка прамарынуецца і стане неверагодна смачнай!
Спатрэбіцца: тушка курыцы — 1 шт.; цыбуля — 1 шт.; морква — 1 шт.; часнок — 3 зубкі; лаўровы ліст — 3 шт.; соль, перац — на смак; хуткарастваральны жэлацін — 1 ст. л.; вараныя яйкі — 3 шт.; зяленіва — на смак.
Адварыце тушку курыцы разам з морквай, цыбуляй, часнаком, лаўровым лістом, перцам і соллю. Пасля закіпання варыце на працягу 1,5-2 гадзін.
Булён працадзіце. У некалькіх лыжках булёну пакаёвай тэмпературы на 10 хвілін замачыце хуткарастваральны жэлацін. Курыцу разбярыце на кавалачкі. Скуру і косці выдаліце. Растапіце жэлацін на вадзяной лазні. Уліце ў астылы булён.
У форму наліце трохі булёну з жэлацінам. Яйкі разрэжце на 12 кавалачкаў, пакладзіце ў формы для кексаў. Зверху шчыльна ўтрамбуйце курынае мяса. Заліце булёнам. Адпраўце ў халадзільнік на некалькі гадзін. З морквы, зяленіва і курыцы, якая засталася, зрабіце класічнае заліўное ў форме. Таксама адпраўце ў халадзільнік.
Спатрэбіцца. Бісквіт для рулета: малако — 45 г; алей — 35 г; экстракт ванілі — 1 ч. л. (можна замяніць на 1 г ваніліну); яйкі — 4 шт.; цукар — 95 г (25 і 70); мука — 75 г; разрыхляльнік — 1/3 ч. л. Шакаладны ганаш: шакалад — 130 г; вяршкі 30% — 130 г.
Маслены заварны крэм: малако — 180 г; жаўткі — 3 шт.; цукар — 40 г; кукурузны крухмал — 20 г; экстракт ванілі 1 ч. л. (можна замяніць на 1 г ваніліну); масла — 150 г. Насычэнне: цукар — 70 г; гарачая вада — 100 г; ; экстракт ванілі 1 ч. л. (можна замяніць на 1 г ваніліну).
Для прыгатавання шакаладнага ганаша заліце шакалад гарачымі вяршкамі. Праз 2-3 хвіліны, калі шакалад пачне плавіцца, старанна змяшайце інгрэдыенты да атрымання аднастайнай масы. Накрыйце шакаладны ганаш харчовай плёнкай і прыбярыце яго ў халадзільнік на гадзіну.
Тым часам зоймемся масленым крэмам. Пастаўце рондаль з малаком на пліту. Злучыце жаўткі, цукар, кукурузны крухмал і ваніль. Павольна дадайце атрыманую сумесь у гарачае малако і старанна змяшайце. Варыце крэм на слабым агні 2-3 хвіліны пры пастаянным памешванні. Каб крэм быў яшчэ больш далікатным і аднастайным, працадзіце яго праз дробнае сіта.
Пасля таго як крэм астыне да пакаёвай тэмпературы, узбіце яго з маслам таксама пакаёвай тэмпературы. Масла неабходна ўводзіць у 3 этапы.
Для бісквіта злучыце малако, алей і ваніль. Злёгку нагрэйце сумесь у мікрахвалевай печы або на вадзяной лазні да 45-50 °С. У асобнай місцы злучыце жаўткі з цукрам. Дадайце да іх цёплую малочную сумесь і добра змяшайце. Па частках увядзіце прасеяную муку, злучаную з разрыхляльнікам, і змяшайце ўсе інгрэдыенты да атрымання аднастайнай масы.
Узбіце яечныя бялкі з цукрам да атрымання пікаў. Акуратна ўвядзіце ўзбітыя бялкі ў цеста ў некалькі этапаў.
Выліце цеста на бляху або ў форму (30×40 см), высланую пергаментам, разраўнуйце і трохі патрасіце бляху. Выпякайце бісквіт пры тэмпературы 170 градусаў 12-14 хвілін.
Падрыхтоўваем насычэнне. Злучаем цукар, ваніль і гарачую ваду. Потым трэба змяшаць інгрэдыенты да поўнага растварэння цукру.
Гатовы бісквіт зніміце з пергаменту, сухія краі падрэжце. Разрэжце бісквіт на 5 роўных частак шырынёй каля 6 см кожная. Прамачыце бісквіт падрыхтаваным насычэннем.
Выкладзіце 2/3 часткі ганаша на бісквіт і разраўнуйце. Перакладзіце крэм у кандытарскі мяшок з плоскай насадкай, адсадзіце наверх ганаша і акуратна разраўнуйце.
Заварочвайце бісквіты, фармуючы «пянёк».
Прыбярыце нарыхтоўку ў халадзільнік на 30-40 хвілін.
Шакаладны ганаш, які застаўся, злёгку ўзбіце, перакладзіце ў кандытарскі мяшок і нанясіце на бакі торта. На бакавой частцы торта зрабіце ўзор у выглядзе драўнянай кары. Лішкі крэму зверху акуратна прыбярыце. Пастаўце торт у халадзільнік на 50-60 хвілін, а затым аформіце на ўласны густ. Перш чым падаваць торт да стала, яго неабходна дастаць з халадзільніка не менш чым за 30-40 хвілін.
Спатрэбіцца: шышкі, акрылавыя фарбы, вяроўка, драўляныя пацеры, футравая тканіна ці фліс, гарачы клей.
Прыгатуйце столькі шышак, колькі збіраецеся зрабіць гномікаў. Пафарбуйце іх белай акрылавай фарбай.
З тканіны выражце трохвугольнік, адзін з бакоў якога выгінасты, акруглены. Склейце краі, каб атрымалася шапачка. Зафіксуйце на шышцы. Замест носіка выкарыстоўвайце драўляную пацеру.
Таксама надзеньце на вяроўку пару пацерак і завяжыце. Вяроўку, у сваю чаргу, прыклейце як ножкі. Край шапачкі нахіліце, зафіксуйце гарачым клеем.
Мілы, просты, у той жа час святочны зімовы сувенір.
Фіналістка праекта «Акадэмія талентаў» на АНТ — пра творчасць і жыццё.
На гэтым тыдні Цяльцы будуць проста незаменныя ўсюды, дзе іх ведаюць.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.