Вы тут

Галоўчанка з калегамі з краін СНД агледзеў экспазіцыю міжнароднай выставы-форуму «Расія»


Прэм’ер-міністр Беларусі Раман Галоўчанка 18 снежня разам з калегамі з краін СНД, якія ўдзельнічаюць у Маскве ў пасяджэнні Савета кіраўнікоў урадаў Садружнасці, агледзеў рэгіянальную экспазіцыю міжнароднай выставы-форуму «Расія» на ВДНГ, перадае БелТА.


Стэнд Свярдлоўскай вобласці прадставіў губернатар Яўген Куйвашаў. У якасці асноўнай тэмы гэтага стэнда абрана ідэя гістарычнага развіцця скрозь прызму прамысловасці ад Дзямідаўскіх заводаў да сучасных і будучых навукова-тэхнічных дасягненняў. Адзін з экспанентаў — АТ «Уральскі турбінны завод», які вырабіў і паставіў на аб’екты генерацый Беларусі 20 паравых турбін, з іх тры магутныя турбіны Т-250, устаноўленыя на Мінскай ЦЭЦ-4. Паводле ацэнак беларускага боку, доля турбін Уральскага турбіннага завода ў агульным аб’ёме генеравальнага абсталявання складае 20%.

На стэндзе Чэлябінскай вобласці, які прадставіў губернатар Аляксей Тэслер, сярод прамысловага патэнцыялу, дасягненняў у сельскай гаспадарцы, спорце, навуцы і культуры экспануецца макет арктычнага аўтобуса «Урал-427701-75», пры вытворчасці якога выкарыстоўваецца прадукцыя беларускіх прадпрыемстваў. У прыватнасці, аўтазавод «Урал» выкарыстоўвае карданныя валы і амартызатары вытворчасці гродзенскага ААТ «Белкард», аўташыны «Белшыны», рулявыя механізмы барысаўскага ААТ «БЗАГУ», тармазную апаратуру ААТ «ММЗ імя С.І.Вавілава — кіруючая кампанія холдынгу «БелОМ» Чакаецца, што патрэба ўральскага аўтазавода ў прадукцыі беларускіх прадпрыемстваў у 2024 годзе павялічыцца на 28% адносна паставак 2023 года і на 93% — у параўнанні з 2022 годам.

Башкартастан на стэндзе прадставіў створаныя на тэрыторыі гэтай рэспублікі вытворчыя комплексы ААТ «АМКАДОР». Так, у кастрычніку 2023 года на тэрыторыі індустрыяльнага парку «Уфімскі» пачало работу прадпрыемства ТАА «АМКАДОР-Агідэль», на якім выпускаецца абсталяванне для пасляўборачнай апрацоўкі збожжа. Акрамя таго, плануецца будаўніцтва завода па вытворчасці спецтэхнікі «АМКАДОР-Алга», якое будзе выпускаць грэйдэры, бульдозеры, экскаватары.

Маскоўская вобласць у ліку сваіх дасягненняў дэманструе вытворчы комплекс па перапрацоўцы мяса птушкі ў горадзе Сергіеў Пасад ТАА «Сервалюкс Пасад», які ствараецца найбуйнейшым беларускім аграхолдынгам. Ужо ўведзена ў строй першая чарга вытворчасці, а поўнасцю завяршыць будаўніцтва плануецца ў 2025 годзе. У Падмаскоўі таксама вядзецца будаўніцтва завода па вытворчасці кабельнай прадукцыі ТАА «Белтэлекабель»: чаканы тэрмін уводу ў эксплуатацыю — чэрвень 2024 года. Пры вытворчасці плануецца выкарыстоўваць беларускія тэхналагічныя распрацоўкі і камплектуючыя.

Прэм’ер-міністры краін СНД агледзелі таксама экспазіцыі іншых расійскіх рэгіёнаў.

Міжнародная выстава-форум «Расія» адкрылася на ВДНГ у Маскве 4 лістапада і працягнецца да 12 красавіка 2024 года. У ёй прымаюць удзел 89 рэгіёнаў, 22 федэральных органа выканаўчай улады, 20 кампаній, карпарацый і грамадскіх арганізацый. Удзельнікам выставы-форуму з’яўляецца і Беларусь, якая спецыяльна да выставы-форуму падрыхтавала ў беларускім павільёне на ВДНГ абноўленую экспазіцыю. У ёй прадстаўлены экспанаты выстаўкі «Беларусь інтэлектуальная», якія дэманструюць інтэлектуальныя і прамысловыя дасягненні нашай краіны, драўляны дом з экалагічных матэрыялаў з фотазонай, якая фарміруе аблічча сучаснага беларускага падворка, інсталяцыя Нацыянальнай бібліятэкі Беларусі, выкананая з маналіта калійнай руды, а таксама і прадукцыя каля 110 беларускіх прадпрыемстваў спажывецкай сферы.

Фота: БелТА

Выбар рэдакцыі

Культура

І зноў закружыць фестываль...

І зноў закружыць фестываль...

Яркімі фарбамі і самабытнай музыкай напоўніў горад XXІІІ Нацыянальны фестываль «Маладзечна-2024». 

Гараскоп

Усходні гараскоп на наступны тыдзень

Усходні гараскоп на наступны тыдзень

У пачатку тыдня да Ракаў могуць падступна падкрасціся трывогі і сумневы.