Следчыя на чале са старшынёй Следчага камітэта Дзмітрыем Гарой прынялі ўдзел у акцыі «Нашы дзеці» і наведалі 3-ю гарадскую дзіцячую клінічную бальніцу ў Мінску, паведамляе БелТА.
Дзеці падрыхтавалі для гасцей навагодні паказ з песнямі і танцамі. Дзмітрый Гара асабіста ўручыў кожнаму дзіцяці падарункі і пажадаў усім моцнага здароўя. «Сёння дзякуючы вам я міжволі ўспомніў дзяцінства, як мы ўсе чакалі гэтае казачнае свята. Бо Новы год — гэта час здзяйснення самых запаветных жаданняў. І сёння я хачу ўсім пажадаць здароўя, каб кожны мог адзначыць гэтае чароўнае свята ў коле родных і блізкіх. Дзякуй Вам за добры настрой і станоўчыя эмоцыі», — сказаў кіраўнік следчага ведамства.
Акрамя гэтага, следчыя павіншавалі з зімовымі святамі дзяцей, якія цяпер знаходзяцца ў цэнтры карэкцыйна-развіваючага навучання і рэабілітацыі Партызанскага раёна Мінска. Першы намеснік старшыні Следчага камітэта Алег Шандаровіч пажадаў рабятам здароўя і ўручыў падарункі.
Фіналістка праекта «Акадэмія талентаў» на АНТ — пра творчасць і жыццё.
На гэтым тыдні Цяльцы будуць проста незаменныя ўсюды, дзе іх ведаюць.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
