Вы тут

Туры ў Антарктыду набіраюць папулярнасць сярод кітайскіх турыстаў


З надыходам зімы Антарктыда стала ўпадабаным месцам адпачынку многіх кітайскіх турыстаў, перадае «Жэньмігь жыбаа» анлайн». 


Розныя турыстычныя кампаніі запускаюць туры на самы поўдзень Зямлі. Сярод турысцкіх прадуктаў, якія паступяць у продаж падчас Свята вясны ў лютым, ужо распрададзены некаторыя элітныя падарожжы па кошце амаль 200 тысяч юаняў з чалавека. З-за доўгага вытворчага ланцужка і няпоўнага аднаўлення ланцужка паставак цэны на турыстычныя прадукты ў Антарктыдзе сёлета выраслі прыкладна на 10 працэнтаў у параўнанні з 2019 годам. Іншае адрозненне ў тым, што калі раней у падобныя туры адпраўляліся ў асноўным пажылыя людзі, то цяпер палярнымі экспедыцыямі цікавяцца ўсё больш моладзі і людзей сярэдняга ўзросту. Цяпер таксама ёсць турагенцтвы, якія бачаць вялікі патэнцыял палярных падарожжаў і загадзя рыхтуюцца да паездак у Антарктыду ў наступным летнім сезоне.

Паводле дадзеных Міжнароднай асацыяцыі антарктычных тураператараў, у 2019-2020 гадах Антарктыду наведалі звыш 74,3 тысячы чалавек з усяго свету, з якіх 8,1 тысячы — грамадзяне КНР, па колькасці турыстаў Кітай заняў другое месца. Чакаецца, што колькасць кітайскіх турыстаў у Антарктыдзе ў 2024-2025 гадах адновіцца да 65 працэнтаў ад паказчыка 2019-га, а ў 2025-2026 гадах поўнасцю вернецца да ранейшага ўзроўню.

Выбар рэдакцыі

Грамадства

Такое рознае малако... Каму якое падыходзіць?

Такое рознае малако... Каму якое падыходзіць?

«Малако — паўнавартасны прадукт харчавання, а не напой, гэта важна ўлічваць».