Пры ўзаемадзеянні з дзяржорганамі для беларусаў важная магчымасць атрымання кансультацыі па месцы прадастаўлення паслугі. Пра гэта паведамляе БелТА са спасылкай на прэс-службу НАН Беларусі.
«Пры ўзаемадзеянні з дзяржаўнымі органамі ўлады і іншымі арганізацыямі найбольш важным для насельніцтва выступае: магчымасць атрымання кансультацыі па месцы прадастаўлення паслугі (40,8%), асабістыя якасці супрацоўнікаў (39,8%), непрацяглы час чакання ў чарзе (39,2%), аператыўныя тэрміны прадастаўлення дакументаў (38,9%), зручны графік працы (38,6%), магчымасць дыстанцыйнага вырашэння пытання па пошце, тэлефоне або праз Інтэрнэт (37,9%), скарачэнне колькасці патрэбных дакументаў (36,8%), тэрытарыяльная даступнасць неабходнай установы (35,6%)», — адзначылі ў НАН.
Таксама для грамадзян немалаважна скарачэнне колькасці зваротаў для атрымання неабходных дакументаў (31,3%), кошт паслуг (29,9%) і ўмовы вядзення прыёму наведвальнікаў (27,5%).
З мэтай высветліць, як грамадзяне ацэньваюць выніковасць разгляду сваіх зваротаў у органы ўлады, Інстытут сацыялогіі НАН Беларусі ў 4 квартале 2023 года правёў тэлефоннае апытанне ва ўсіх абласных цэнтрах Беларусі і Мінску, асобных раённых гарадах і сельскіх населеных пунктах. Аб’ём выбарачнай сукупнасці — 901 рэспандэнт (памылка выбаркі ±3,3%).
Фіналістка праекта «Акадэмія талентаў» на АНТ — пра творчасць і жыццё.
На гэтым тыдні Цяльцы будуць проста незаменныя ўсюды, дзе іх ведаюць.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
