Двухбаковы тавараабарот Беларусі і Расіі ў 2023 годзе склаў каля $53 млрд. Аб гэтым сказаў прэм’ер-міністр Раман Галоўчанка на цырымоніі адкрыцця бізнес-форуму «Беларусь — Башкартастан», перадае БелТА.
«У нейкай ступені знешнія падзеі вакол нашых дзяржаў падштурхнулі нас да ўмацавання двухбаковых сувязей. Гэтыя знешнія выклікі і пагрозы толькі з’ядналі нашы краіны, і мы ўзмацнілі інтэграцыйныя працэсы», — сказаў Раман Галоўчанка.
Паводле яго слоў, за 2023 год двухбаковы тавараабарот Беларусі і Расіі склаў каля $53 млрд. «Мы сталі бліжэй адзін да аднаго. Перасягнулі на 6 працэнтаў і так дастаткова высокі вынік мінулага года. Гэта вялікі поспех. Але ён не нараджаецца на пустым месцы. Менавіта гэтыя ручайкі, якія фарміруюцца на розных мерапрыемствах, канферэнцыях, сустрэчах, перагаворах, утвараюць гэту вялікую раку двухбаковага тавараабароту», — адзначыў прэм’ер-міністр.
«Дзесяцігоддзі школьнае харчаванне нашых дзяцей будавалася на аснове зборніка рэцэптур».
Што за таемнымі дзвярыма?
