Вы тут

Камітэт дзяржбяспекі раскрыў падрабязнасці затрымання дыверсантаў СБУ ў Беларусі


У выніку правядзення чэкісцкай ваеннай аперацыі ў прыграніччы былі затрыманы ўдзельнікі дыверсійна-разведвальнай групы. Паведамляе БелТА са спасылкай на Камітэт дзяржаўнай бяспекі.


У ноч з 14 на 15 лютага ў Лельчыцкім раёне было зафіксавана парушэнне групай грамадзян дзяржаўнай граніцы Беларусі з боку Украіны. У выніку правядзення пошукавых мерапрыемстваў асобныя з іх затрыманы.

У затрыманых былі знойдзены выбуховыя прыстасаванні і іншыя сродкі паражэння. Было прынята рашэнне аб увядзенні рэжыму контртэрарыстычнай аперацыі на тэрыторыі Лельчыцкага раёна. Раён быў блакіраваны. Была праведзена чэкісцкая ваенная аперацыя, у выніку якой у прыграніччы затрыманы ўдзельнікі дыверсійна-разведвальнай групы, якая складаецца з грамадзян Украіны, Беларусі і іх памагатых.

Сярод затрыманых — грамадзяне Украіны Сяргей і Павел Кабарчукі, бацька і сын адпаведна. Сяргей Кабарчук (мянушка «Батлер»), 1963 года нараджэння, пражывае ў Ковельскім раёне Валынскай вобласці, з’яўляецца былым супрацоўнікам Дзяржаўнай пагранічнай службы Украіны. Пасля звальнення займаўся кантрабанднай дзейнасцю сумесна з сынамі Багданам 1997 года нараджэння і Паўлам 1993 года нараджэння («Батлеры малыя»). Быў таксама затрыманы грамадзянін Беларусі Віталь Уласюк 1970 года нараджэння, жыхар Брэста.

Выбухныя прыстасаванні, што пераносіліся членамі дыверсійна-разведвальнай групы, прызначаліся для ўчынення тэрактаў перш за ўсё на тэрыторыі Расіі і Беларусі. Устаноўлена, што закід ДРГ у Беларусь праз граніцу арганізавана Службай бяспекі Украіны, супрацоўнікі якой сумесна з Дзяржаўнай пагранічнай службай Украіны папярэдне правялі даразведку мясцовасці. Выбухныя прыстасаванні былі перададзены членам ДРГ непасрэдна перад пераходам беларускай мяжы.

Пры правядзенні контртэрарыстычнай аперацыі (КТА) адзначалася актыўнасць вядзення паветранай і іншых відаў разведкі ў раёне правядзення КТА. Украінскія спецслужбы спрабавалі ўстанавіць абставіны правалу дыверсійна-разведвальнай групы і прыняць меры па нейтралізацыі негатыўных наступстваў для Украіны.

У дачыненні да затрыманых узбуджаны крымінальныя справы па арт. 13 і арт. 289 (падрыхтоўка да акта тэрарызму), арт. 358-1 (агентурная дзейнасць) КК. Следчыя дзеянні працягваюцца. Затрыманыя ў Лельчыцкім раёне і іх памагатыя супрацоўнічаюць са следствам.

Фота КДБ, БелТА

Выбар рэдакцыі

Гараскоп

Усходні гараскоп на наступны тыдзень

Усходні гараскоп на наступны тыдзень

У пачатку тыдня да Ракаў могуць падступна падкрасціся трывогі і сумневы.

Здароўе

Як працуюць санаторныя школы-інтэрнаты для дзяцей, хворых на скаліёз?

Як працуюць санаторныя школы-інтэрнаты для дзяцей, хворых на скаліёз?

Па статыстыцы на пяць хворых дзяўчынак прыходзіцца толькі адзін хлопчык.

Рэгіёны

У якіх ўмовах працавалі медыкі ў гады вайны?

У якіх ўмовах працавалі медыкі ў гады вайны?

Подзвіг ваенурачоў адлюстроўвае выстава Брэсцкага абласнога краязнаўчага музея.

Грамадства

Што трэба ведаць тым, хто адпачывае каля вадаёмаў

Што трэба ведаць тым, хто адпачывае каля вадаёмаў

Нават пры наяўнасці на пляжы ратавальнай станцыі не варта грэбаваць элементарнымі правіламі бяспекі.