Дзяржаўны камітэт па стандартызацыі прапрацоўвае пытанне ўзмацнення патрабаванняў да цацак і прадукцыі для дзяцей, у тым ліку ў тэхнічных рэгламентах Еўразійскага эканамічнага саюза. Аб гэтым расказала першы намеснік старшыні Дзяржаўнага камітэта па стандартызацыі Алена Маргунова, паведамляе БелТА.
Алена Маргунова адзначыла, што цяпер у ЕАЭС прапрацоўваецца ініцыятыва Рэспублікі Беларусь па ўзмацненні патрабаванняў да цацак і прадукцыі для дзяцей. «Цацкі не павінны выклікаць псіхалагічных узрушэнняў у дзяцей. Яны не павінны змяшчаць ніякіх сцэн насілля, агрэсіі і аказваць негатыўны ўплыў», — падкрэсліла яна.
Нягледзячы на тое, што дзіцячыя цацкі, відавочна, не павінны мець у сабе такіх характарыстык, змяненні ў гэты тэхрэгламент неабходны з-за разнастайнасці тавараў, што вырабляюцца і пастаўляюцца на рынак ЕАЭС. «Па ініцыятыве Беларусі цяпер у краінах ЕАЭС праводзіцца вялікая работа па выключэнні негатыўнага і шкоднага ўздзеяння на дзяцей. Цяпер тэхнічныя рэгламенты ўключаюць толькі патрабаванні бяспекі, а псіхалагічныя аспекты ў іх не ўваходзяць. Гэта ініцыятыва ўжо знаходзіцца ў стадыі рэалізацыі. Адобрана ўключэнне ў план навукова-даследчых работ Еўразійскай эканамічнай камісіі работ па аналізе патрабаванняў да цацак і прадукцыі для дзяцей і падлеткаў, інфармацыйнай прадукцыі для іх, міжнароднага вопыту і нарматыўных прававых актаў на тэрыторыі ўсіх пяці краін ЕАЭС з улікам усіх асаблівасцей. Навукова-даследчы комплекс работ накіраваны на выяўленне крытэрыяў, за кошт якіх можна будзе знізіць негатыўны ўплыў на дзяцей інфармацыйнай прадукцыі. Вынікі гэтай работы стануць асновай для змяненняў у тэхрэгламенты. Гэта датычыцца не толькі канкрэтных цацак, але і ўсёй інфармацыйнай прадукцыі для дзяцей», — рэзюмавала Алена Маргунова.
Фіналістка праекта «Акадэмія талентаў» на АНТ — пра творчасць і жыццё.
На гэтым тыдні Цяльцы будуць проста незаменныя ўсюды, дзе іх ведаюць.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
