Вы тут

Петрышэнка: Сродкі ідуць на практычную рэалізацыю і паспяхова ўкараняюцца


Сродкі, якія выдзяляюцца Прэзідэнтам у рамках грантаў, ідуць на практычную рэалізацыю задумак атрымальнікаў. Аб гэтым сказаў намеснік прэм’ер-міністра Ігар Петрышэнка перад пасяджэннем Рэспубліканскай камісіі па разглядзе кандыдатур, якія вылучаюцца для прадастаўлення грантаў Прэзідэнта ў сферах навукі, адукацыі, аховы здароўя, культуры, маладзёжнай палітыкі, на якім разгледзелі вынікі работы грантаў мінулага года, перадае БелТА.


Фота: БелТА

Штогод кіраўніком дзяржавы падпісваюцца рашэнні аб выдзяленні грантаў. Гранты назначаюцца тэрмінам на адзін год і выплачваюцца штомесяц у памеры 41 базавай велічыні.

Перад пасяджэннем у выставачным цэнтры Нацыянальнага дзіцячага тэхнапарка Ігар Петрышэнка наведаў выставу, на якой прадстаўлены вынікі навуковых даследаванняў і інавацыйных праектаў, для выканання якіх былі прадастаўлены гранты Прэзідэнта ў 2023 годзе. Яна складаецца з некалькіх тэматычных блокаў па 5 сферах (навука, адукацыя, ахова здароўя, культура, маладзёжная палітыка). Гэта каля 50 прац.

«Мы ўбачылі, што ўсе праекты прайшлі апрабацыю і абаронены — усе адпаведныя службовыя асобы прынялі іх, таму што яны выканалі крытэрыі, згодна з указам кіраўніка дзяржавы. Самае галоўнае — практычнае ўкараненне вынікаў грантавай падтрымкі. Мы азнаёміліся з праектамі ў сферы аховы здароўя, — расказаў Ігар Петрышэнка. — Таксама ваенныя прадэманстравалі сістэму падаўлення дронаў. Гэта актуальна. Яна будзе дапрацавана, каб яе можна было паставіць на шырокую прамысловую распрацоўку і забяспечыць адпаведныя падраздзяленні Узброеных Сіл. Таксама могуць быць рэалізаваны экспартныя магчымасці адукацыйных, навуковых, імпартазамяшчальных праектаў».

Заслухаўшы кожнага, хто атрымаў грант, члены камісіі пераканаліся ў тым, што сродкі, якія выдзяляюцца кіраўніком дзяржавы, ідуць на практычную рэалізацыю задумак. Першапачаткова гэта навуковыя распрацоўкі, абарона дысертацый, доктарскіх, якія потым прыводзяць да паспяховага ўкаранення гэтых праектаў у практыку, падкрэсліў віцэ-прэм’ер. «Актыўна прадоўжым гэту работу. Па выніках сённяшняга пасяджэння да 1 красавіка прадставім даклад кіраўніку дзяржавы. Цыкл падрыхтоўкі вылучэння на гранты адпаведных праектаў адкрыты і кожны ў сваім напрамку можа вылучыць, абараніць іх і атрымаць матэрыяльную падтрымку для распрацоўкі і рэалізацыі сваёй задумкі», — заявіў Ігар Петрышэнка.

У рамках выставы ў сферы навукі прадстаўлена 10 даследаванняў, у сферы адукацыі — 10, маладзёжнай палітыкі — 8, аховы здароўя — 11, культуры — 10. Дарэчы, гранты ў галіне маладзёжнай палітыкі былі прадстаўлены для справаздачы толькі другі раз.

Вынік сваёй працы ў мінулым годзе прадставіў загадчык кафедры гісторыі Беларусі старажытнага часу і сярэдніх вякоў гістарычнага факультэта БДУ Сцяпан Цемушаў — наглядны дапаможнік «Атлас беларускай дзяржаўнасці» па навучальных дысцыплінах «Гісторыя беларускай дзяржаўнасці», «Гісторыя Беларусі».

«Я атрымаў грант у сферы адукацыі на мінулы год, і электронная версія атласа была распрацавана таксама ў 2023 годзе. Ён зроблены на беларускай мове. Яго асноўная мэта — сістэматызацыя ўяўлення аб развіцці дзяржаўнасці на беларускіх землях», — сказаў Сцяпан Цемушаў.

Атлас створаны для студэнтаў, але ім могуць карыстацца і настаўнікі сярэдніх школ для навучання. Папяровы варыянт будзе гатовы да наступнага навучальнага года, а электронная версія ў аўтарскай рэдакцыі будзе размешчана ў электроннай бібліятэцы БДУ.

Выбар рэдакцыі

Сям'я і дэмаграфія

Святлана Клачкова: Чым больш дзяцей, тым больш любові

Святлана Клачкова: Чым больш дзяцей, тым больш любові

Як жа шматдзетная сям’я спраўляецца з хатнімі клопатамі? 

Культура

Сёлета музей Янкі Купалы адзначае юбілей

Сёлета музей Янкі Купалы адзначае юбілей

«Пласт роднай зямлі — п’едэстал для паэта...» 

Грамадства

Ці забяспечваецца ахова грамадскага парадку на Мінскім моры?

Ці забяспечваецца ахова грамадскага парадку на Мінскім моры?

Пра гэта даведаліся карэспандэнты «Звязды».

Гандаль

Кандытарскія вырабы — брэнд беларускай харчовай прамысловасці

Кандытарскія вырабы — брэнд беларускай харчовай прамысловасці

Напярэдадні Міжнароднага сімпозіума кандытараў эксперты расказалі аб планах і перспектывах кандытарскай галіны.