Вы тут

Абноўленая Канстытуцыя — унікальная работа, да яе падключыліся ўсе


Дзень Канстытуцыі для любога грамадзяніна Беларусі вельмі важнае, значнае свята, заявіла журналістам старшыня Савета Рэспублікі, упаўнаважаная прадстаўніца кіраўніка дзяржавы ў Мінску Наталля Качанава. Спікер прыняла ўдзел ва ўрачыстай цырымоніі ўзнагароджання актыву сталіцы, прымеркаванай да 30-годдзя Канстытуцыі, перадае БелТА.


Фота БелТА

«Для любога грамадзяніна нашай краіны гэта вельмі важнае свята, таму што мы адзначаем дзень, калі была прынятая першая Канстытуцыя ў нашай краіне, — 15 сакавіка, — адзначыла Наталля Качанава. — Сёння 30-годдзе з таго дня. А гэта значыць, што мы жывем у прававой дзяржаве, будуем сваю суверэнную, незалежную краіну ў адпаведнасці з тымі законамі, якія ў нас дзейнічаюць. Шчаслівая тым, што мне давялося быць непасрэдным удзельнікам работы над абноўленай Канстытуцыяй, унясеннем дапаўненняў і змяненняў. Гэта сапраўды была ўнікальная работа, таму што ўключыліся ўсе. Велізарная колькасць прапаноў, якія паступалі, гаворыць пра тое, што людзі неабыякавыя да будучыні сваёй краіны, да тых, хто жыве ў нашай роднай Беларусі».

У Палацы Рэспублікі ўшаноўвалі мінчан, якія ўносяць важкі ўклад у сацыяльна-эканамічнае развіццё горада, робяць усё магчымае, каб сталіца станавілася ўсё лепш. «А ў першай палове дня была сустрэча з Прэзідэнтам, дзе Аляксандр Рыгоравіч вельмі выразна пазначыў этапы станаўлення нашай суверэннай, незалежнай дзяржавы. За невялікі прамежак у гісторыі ўсе разам мы стварылі выдатную, цудоўную краіну, якой па праву ганарымся, дзе любы чалавек можа рэалізаваць свае магчымасці. А гэта ўсё прапісана ў Асноўным законе краіны — Канстытуцыі. Для любога чалавека, неабыякавага да жыцця сваёй краіны, свайго народа, гэта вельмі важнае, знакавае свята», — сказала Наталля Качанава.

Выбар рэдакцыі

Грамадства

У чым пайсці на выпускны баль?

У чым пайсці на выпускны баль?

 Паглядзім, што раяць стылісты і што рэальна набыць у нашых шыротах, пажадана не ўганяючы бацькоў у даўгі.

Калейдаскоп

Усходні гараскоп на наступны тыдзень

Усходні гараскоп на наступны тыдзень

Для Цяльцоў гэты тыдзень будзе напоўнены справамі і клопатамі, звязанымі са сваякамі ці дзецьмі. 

Спорт

Які наш спорт сёння?

Які наш спорт сёння?

«З кожным днём сітуацыя ў свеце мяняецца так, што ў вялікай ступені гэта закранае і спорт».