Вы тут

Беларусь выдзеліць Br2,1 млрд на аднаўленне дарог у 2024 годзе


Беларусь выдзеліць Br2,1 млрд на аднаўленне дарог у 2024 годзе. Пра гэта заявіў намеснік прэм’ер-міністра Беларусі Анатоль Сівак у інтэрв’ю тэлеканалу «Беларусь 1», паведамляе БелТА.


Фота БелТА

У 2024 годзе краіна выдзеліць на аднаўленне дарог Br2,1 млрд. «Рэкордныя лічбы сёлета на мясцовыя дарогі, таму што было даручэнне Прэзідэнта больш глядзець у гэты бок», — сказаў Анатоль Сівак. Ён таксама паведаміў, што сфарміравана праграма, па якой у 2024 годзе па плане мадэрнізуюць і адновяць дарогі ў 140 аграгарадках.

Да 9 мая гэтага года ўсе дарогі ў краіне павінны быць адноўлены. Такую задачу на гэтым тыдні паставіў Прэзідэнт Беларусі Аляксандр Лукашэнка. «План ужо ёсць на паперы. Больш за тое, такі план заўсёды ёсць у дарожных арганізацый на пераходзе ад зімовага да летняга сезона, але, улічваючы даручэнне Прэзідэнта, ён сфарміраваны такім чынам, каб быў кантроль на ўзроўні ўрада. Арганізацыйна вызначана, калі будуць праводзіцца селектарныя нарады і як будуць даваць справаздачу. Трэба трымаць гэтае пытанне пад кантролем», — падкрэсліў віцэ-прэм’ер.

Паводле яго слоў, на нумар 115 у мінулым годзе было 40 тыс. зваротаў па якасці дарог. Сёлета — ужо 4 тыс. з лішнім. І на іх рэагуюць. «Але я ацэньваю сітуацыю не па колькасці зваротаў, а па інфармацыі спецыяльнай службы, якая сочыць за станам дарог. Так, з пачатку года было ліквідавана на рэспубліканскіх дарогах 90 тыс.кв. м і на мясцовых дзесьці 70 тыс. кв. м ям. Сёння ў краіне на асфальтавых дарогах 21 тыс. кв. м невялікіх ям. Больш за ўсё — у Магілёўскай вобласці, менш за ўсё — у Гродзенскай. З гэтага ацэньваю, што сітуацыя лепш ў Гродзенскай вобласці, горш — у Магілёўскай», — адзначыў Анатоль Сівак.

Выбар рэдакцыі

Грамадства

Такое рознае малако... Каму якое падыходзіць?

Такое рознае малако... Каму якое падыходзіць?

«Малако — паўнавартасны прадукт харчавання, а не напой, гэта важна ўлічваць».